Karekea Ana Bwaintituaraoi

I tangiria ni marooro iaon te bwaintangira ae bootii ni kabane koaua aika akea tokina ake a boutokai ara konabwai ni karekei ni kabane ake e tangiria Tamara ni katokai iaora—te ataibwai ae kakawaki, ae riai are ngkana, e butimwaeaki ao ni karekeaki ni matoa inanora ni iangoa te kimwareirei ao kangaanga n te maiu ao ara titiraki aika tuai kaekaaki: Bon aei bwa ngaira bon natin raoi te Atua. E bon rang tamaroa! E kakubanako! Ao tiaki aio te kabotau.

Ao te kawai ae kam mena iaona bon Ana babaire ni kakukurei. … Ao o, e ingainga Nanona bwa ko na oki nako Ina n te bong teuana, ni karekea tokin te kaantaninga n Ana bwaintituaraoi ni kabane aika tikiraoite maiu ae akea tokina ma Ngaia. …

… Ko kona n nakon Kristo ma te koaua n Ana atataiaomata ao ni karekei ni kabane Ana bwaintituaraoi n te kimwareirei, te rau, te kaantaninga, te oota, te koaua, te kaotioti, te atatai, ao te wamawama—ma ni kaeta atuum, n taakin baim, ao arora baim n tauraoi ni karekea. Kam kona ni karekei bwaintituaraoi aikai ibukina bwa kam mano ao n aanaki ma te atatai ae ngkami bon natin te Atua aine aika kam tangiraki, ngkami natin te Atua mwaane aika ae kakawaki, ao n tia ni bwaintangiraiko ma Natina ae tabu ni kamaiuko, karaoiroiki, ao ni katabuko.

… Manga karekea te bwaintituaraoi aei, ke karekea n te moan tai, ao ni kariaia bwa e na bitii aron nako maium. Aio te kawai ae moan te tikiraoi ae e a tia ni katauraoia te Atua ibukim rinanon ana bwaintituaraoi Natina. Bwa kam aonga ni karekea te kimwareirei!