Matoan te Nano i Matan te Atua

Ngkana ti karaoi ao ni kawakin berita aika tabu ma te Atua, ti kona ni karekea matoan nanora are e reke man te Tamnei. E tuanga te Burabeti ae Iotebwa Timiti te Uea bwa e kona matoan nanora ni “korakora i matan te Atua.”…

Ngkana I taetae iaon karekean te nanomatoa i matan te Atua, I kananona karekean te nanomatoa ni kaniia te Atua n te tai aei! …

Ao ngkai, ti na kanga ni karekea te nanomatoa n aron aei? …

… N are e bon taekinna te Uea, te tangira ae kororaoi ao te itiaki a kauka te kawai nakon karekean te nanomatoa i matan te Atua! …

Te moan, te tangira ae kororaoi. …

Te tangira ae kororaoi nakoia aomata ni kabane bon kanikinaeaia taan raoi! E bon riai bwa ti na karekea te tangira ae kororaoi n ara marooro, ibuakoia te botanaomata ke n mwengam. …

Ti a butiia Tamara are i Karawa bwa e na kaoni nanora ma te tangira ae kororaoi—riki nakoia naake e matoatoa nanoia n tangira—bwa te tangira ae kororaoi bon te bwaintangira mairoun Tamara are i Karawa ibukiia taan iriira ni koaua Iesu Kristo. …

Ngkai, ti a marooro iaon te raoiroi. E tuangiira te Uea bwa ti na katamaroa ara iango n aki toki ma te raoiroi. … E kariki bwaai ni kabane te raoiroi bwa a na nakoraoi ao ni kakukurei! … Te raoiroi e na kainaomatako man te nanououa, ao iango aika karawawata. …

Reken taai aika a korakora aika imwaira bon arora n riki bwa Ana aomata te Atua nakon are e kantaningaira iai. …

… I kaoi ngkami bwa kam na karikirakea nanomatoami i matan te Uea. Imwina, ngkai ti nakon Tamara are i Karawa ma rikiraken nanomatoara, ti na kaonaki n te kimwareirei ae bati, ao e na rikirake am onimaki iroun Iesu Kristo. Ti na moanna n namakina mwaakan te tamnei ae e riaon ara kantaninga ae korakora.