Am Rairannano E Aki Karawawata Iesu Kristo, E Kakorakora Riki iai Kimwareireina

N te bong aei, I tangiria n taetae nakoia ake ibuakora are n tabetai a namakinna bwa, “Te rairannano ao kabwaraan bure e tara ni mwakuri nakoia aomata nako ma e aki nakoiu.” …

I a tia n reiakinna bwa ngkana ko tataninga ni karokoa ko a itiaki ke ko a bon tau n nakon te Tia Kamaiu, ko bon aki karekea oin te kantaninga! …

I kakoaua bwa ngkai e tabe ibukira te Atua ibukin ara kairua, E tabeaianga riki n te bwai ae riki imwiin karaoan te kairua. Ti na kona n rairaki nakoina ngkana ti bwaka ao tia manga karaoia riki? …

Te kakao nakon te rairannano bon kaotan ana tangira te Atua.

Taekinan eng nakon te kakao anne bon kaotan ara tangira. …

Ti aki tiku i aon kawain te berita ngkana ti tuai man karaoa te kairua. Ti tiku i aon te kawai man te rairannano ni katoabong.

Ao ngkana ti rairi nanora, e kabwarai n aki kamamaeira iai te Atua, ni kabotauira nakoia tabeman, ke n takuira ibukina bwa aio bon te bwai naba are ti rairi nanora iai n te wiiki ae nako.

E kukurei n noriira ni katoa te tai are ti katorobubua i aon bubuanwaera. E kukurei ni kabwarai ara bure ibukina bwa irouna ti a kukurei!

Tiaki ko namakina anne bwa e koaua?

Ngkanne bukin tera bwa e kangaanga iroura bwa tina kakoaua?! Tatan, te tia kabuakaka ae korakora ao te tia kewekewe, e kabongana te kamamaeaki mairoun te Atua. …

… Kakaawakim n tainako “e korakora riki imatan te Atua,”21e ngae ngke e a tia n uotiko nako am babaire. …

I tei ikai ni kakoaua bwa Iesu Kristo e anga te ota nakoia ake a tekateka n te rootongitong. … Kaaki te roo n rairaki nakon te Tia Kamaiu—Otan ara Kantaninga ae Kororaoi.