Bongin Kaokan Bwaai ni Kabane

Katean Ana Ekaretia Iesu Kristo ibukiia Aika Itiaki ni Boong aika Kaitira bon kabanean taian taneiai aika kamimi n riki. …

Kaotin te Tama ma te Nati nakon Iotebwa Timiti, rairan Ana Boki Moomon, ao kaokan te nakoanibonga ma kiing ake ana manena a na bon riai ni moan reke ibukin katean ana Ekaretia te Uea 195 te ririki n nako ni karokoa ngkai.

… Teuana te ririki imwin katean te Ekaretia, e tua te Uea nakon Iotebwa Timiti bwa kiingin uean te Atua e a manga oki kaua “ibukiia aomata iaon te aba” ao man te tai anne are e na butanako ana “euangkerio [Iesu Kristo] nako tabon aonaaba, kanga te atiibu are e koreaki iaon maunga n akea naba baai”

I kakoaua: E kakoroi bukin Ana berita Te Uea. …

… Mwakoron taian taetae ni burabeti ibukin kaokakan bwaai ni kabane ni boong aika kaitira, a tia burabeti n rimoa ma abotoro n angan Iotebwa Timiti kiingin te Nakoanibonga. …

Ana mwakuri te Uea ni boong aika kaitira “bon te mwakuri are e katiiki nanoia ana aomata te Atua n roro nako; bon te botoniango are burabeti, ibonga ao uea are a tia n rinanona ni kukurei n tataekinna; a tia n rang n ingainga ma te kantaninga ae tamaroa nakon te bong are ti maeka inanona; ao ni kukurei ni kaungaaki n te bwai ae kakukurei mai karawa ao ni kimwareirei n te kantaninga are a tia n aneneaki ao ni koreaki n tatae ni burabeti ibukin ara bong aei.” …

Te moan kakaawaki ao ni mimitong n “te rongorongo ae raoiroi” ae kona ni karekea te aomata n te tabo are e mena iai n te aonaaba aio bwa e a tia ni kaokaki ana Euangkerio ma ana Ekaretia Iesu Kristo ni boong aika kaitira.

Ana Ekaretia Iesu Kristo ibukiia Aika Itiaki ni Boong aika Kaitira bon a ana Ekaretia Kristo ae kaokaki.