Eseta i le Salafa o le Lalolagi

O iinei, o fuamoa o le Eseta e vali mumu e pei o le toto o Iesu Keriso. I le Eseta, e fai mai tagata, “Ua toetu Keriso mai e ua oti! Manuia le Toetu o Keriso!” Ona latou taei faatasi lea o a latou fuamoa.

E toatele tagata e laei papae i le Aso Sa o le Eseta o se faamanatuga o le Toetu ma le manumalo o Iesu Keriso i le oti.

I le taimi o le Eseta, e ufiufi e tagata ia auala i kapeta felanulanuai na faia mai iligalaau ma fugalaau ua valiina. O nei kapeta e i ai mamanu ma ata matagofie. O nisi e i ai ata o le Faaola.

O le Aso Faraile o le Aso Maliu o se “aso malolo filemu” e i ai tapulaa faaletulafono i le leo leotele ma mea e tutupu i nofoaga faitele. O lenei mea e mafai ai e tagata ona filemu ma manatunatu i mea na faia e Iesu Keriso mo i latou.

E toatele aiga e i ai se taumafataga e i ai ipu meaai e 12 i le Aso Tofi po o le Aso Faraile a o lumanai le Eseta. O lenei talisuaga e faatusa i le Tausamaaga Mulimuli lea na talisua ai Iesu Keriso ma Aposetolo e Toasefululua.

I le Aso Sa o le Lau Pama, e lalaga ai e tagata laulaau i ni mamanu matagofie. E fesoasoani lenei mea ia i latou e manatua ai le ala na talia ai e tagata i Ierusalema ia Iesu Keriso ma lau pama i le Vaiaso Paia.