“Palanikeke o le Eseta,” Uo, Mat. 2026, 34–35.

Palanikeke o le Eseta

Saunia e Kate Anderson

Sa faasoa atu e tamaiti Peraimeri i Perth, Ausetalia, le mafanafana o Iesu e ala i le tuuina atu o palanikeke i tamaitai matutua i la latou uarota. I le taimi o le Eseta i Ausetalia, ua amata ona malu le vevela mo le tautoulu a o lei oo mai le taumalulu. E masani ona maua e tamaiti se pea ofuvae mafanafana o le taumalulu ma fuamoa sukalati i le taeao o le Eseta. O ofuvae ma palanikeke mafanafana e mafai ona faamanatu mai ai ia i tatou le mafanafana o le alofa o Iesu Keriso.

Atatusi o se veni ma le toatele o tamaiti i totonu. O se tasi o faamalama e i ai se ata moni o tamaiti i totonu o se taavale

1. Sa latou o faatasi i le faleoloa e piki mai palanikeke.

Ata o tamaiti o loo faia ni galuega taulima

2. Sa latou faia foi ni galuega taulima o fugalaau, vali fuamoa laupapa o le Eseta, ma kata ua teuteuina e o faatasi ma palanikeke.

Atatusi o se fale o loo i ai se ata moni o se tamaitiiti o loo opoina se tamaitai matua

Atatusi o se fale o loo i ai se ata moni o se tamaitai o loo uuina se palanikeke ua taai

3. Ona latou tilivaina lea o palanikeke. Sa latou fiafia e galulue faatasi e aumai le alofa o le Faaola i isi i le taimi o le Eseta.

O le tusi lenei na auina atu e tamaiti ma palanikeke!

Sa ou fiafia i le mafai ona ou auai faatasi ma faia faatasi se mea. O le malaga i le faatauga sa sili ona lelei, ma sa matou filifilia lanu o palanikeke. Sa avea o se aafiaga malie ma le fiafia.

Robert D., 9 tausaga

Sa matou fiafia e vaai i foliga ataata o tamaitai i le matou uarota ina ua matou tuuina atu ia i latou ia palanikeke.

Mika ma Ailama M., 10 ma le 8 tausaga

Sa tele lo’u fiafia i le faia o se mea manaia mo tagata matutua i le matou uarota.

Miley N., 8 tausaga