Mose le Perofeta

O Mose o se Isaraelu, ae sa tausia o ia e le afafine o Farao i Aikupito. Sa faanoanoa Mose ona sa agaleaga tagata Aikupito ia Isaraelu ma faia i latou ma a latou pologa.

I se tasi aso na vaaia ai e Mose le tagata Aikupito o loo fasi le tagata Isaraelu. Sa puipui e Mose le Isaraelu.

Ina ua iloa e Farao, sa manao o ia e fasioti ia Mose, ae na sola ese Mose mai Aikupito.

Na sau Mose i le mea ua ta’ua o Mitiana, o iina na feiloai ai i se tamaitai e igoa ia Sepora. Sa la faaipoipo ma maua ni fanau.

A o nofo ai i Mitiana, na vaaia ai e Mose se laau talatala o loo mumu, ae e le’i faaumatia e le afi le laau. Ua faailoa mai le Alii i le afi ma talanoa ia Mose.

Na fetalai atu le Alii ua Ia silafia o tagata Isaraelu o loo nofopologa i Aikupito. Na Ia poloaiina Mose e toe foi i Aikupito ma ta’u atu ia Farao ia tuu Isaraelu ia saoloto e o. Na ta’u atu e le Alii o le a Ia fesoasoani ia Mose e faasaoloto ia Isaraelu ma taitai atu i latou i le laueleele o le folafolaga.