Malaga i le Vaiaso Paia

I le Aso Sa o le Lau Pama, sa faafeiloaia ai e tagata ia Iesu Keriso ina ua afio atu o Ia i Ierusalema. Sa latou alalaga “Osana” e faamanatu ai. O leOsana o se upu Eperu mo le “faamolemole laveai i matou.”

I le po o le Tausamaaga Mulimuli, sa mulumulu ai e Iesu vae o Ona soo. Sa Ia faia se faataitaiga o auaunaga faatauvaa mo i tatou e mulimuli ai.

I le Faatoaga o Ketesemane, sa tatalo ai Iesu Keriso ma lagonaina tiga ma faigata o tagata taitoatasi. Sa puapuagatia o Ia mo a tatou agasala.

Sa fesili Iosefa le Arimataia pe mafai ona ia tausia le tino o Iesu Keriso pe a maliu o Ia. Sa foai atu e Iosefa lona lava tuugamau fou mo Iesu ina ia maua ai se nofoaga lelei e mapu ai.

O Maria le Makatala o le tagata muamua lea na vaai i le Faaola ina ua mavae Lona Toetu. Sa tamoe atu o ia e ta’u atu i Aposetolo le tala fiafia!

Ina ua mavae Lona maliu, sa asiasi atu Iesu Keriso i “isi [Ana] mamoe” i le salafa o le lalolagi. O se tasi o nofoaga sa Ia asiasi i ai o le Atu Amerika. Sa latou tagotago i manu”a i Ona lima ma vae ma iloa ai o Ia o le Faaola toetu.