Tulimanu o Galuega Taulima o le Eseta

I le tele o vaega o le lalolagi, o tulipe o nisi ia o fugalaau muamua e fua mai i le tautotogo. Ona o lenei mea, o i latou o se faatusa o le fanau fou ma e mafai ona faamanatu mai ai ia i tatou le taulaga a Iesu Keriso. Pe a tatou agasala, e mafai ona tatou salamo ma toe fanauina faaleagaga!

1. Gagau se fasipepa faatafafa i le afa faalava e fai ai se tafatolu.

2. Faatasi ai ma le itu umī i le pito i lalo, gagau le itu taumatau i luga, ia mautinoa e le fesilia’i i le pito i luga.

3. Gagau le itu agavale i le ala lava e tasi e pei o le laasaga lona lua.

4. Fuli le pepa. O le vaega o loo i ai pito e lua o loo lālā i fafo e tatau ona i ai i le pito i luga.

5. Gagau i lalo na o le pito o le tafatolu i itu taitasi.

6. Toe fuli lau pepa e vaai ai i lau tulipe! Ona faapipii lea i se fasipepa.

Ina ia faia le au, oti le pepa lanu meamata, sue laulaau i fafo e kelū i ai, pe tusi sau oe lava ata!

Na e iloa o fuamoa e mafai ona faamanatu mai ai ia i tatou le olaga fou? Fai lenei salati fuamoa e fesoasoani ia te oe e manatua ai le Toetu o Iesu Keriso!

1. Faatasi ai ma le fesoasoani a se tagata matua, faapupuna fuamoa e 6–8 mo le 10 minute.

2. Faamaalili fuamoa, ona fofo’e lea ma tipi faaninii.

3. I se pesini, faafefiloi fuamoa ua faaninii ma le 1 sipuni o le sinapi ma le 1/4 ipu meionesi [mayonnaise]. Sausau i le masima, pepa, ma le polo feu ma toe saeu.

4. Tuu i luga o le falaoa po o masi ma fiafia ai!