“Ista raon long Wol,” Fren, Maj. 2026, 28–29.
Ista raon long Wol
Lanem abaot sam tradisen we i kam long ol defren kantri blong helpem yu tingbaot Sevya.
Armenia
Long ples ia mifala i peintem ol Ista eg i red olsem blad blong Jisas Kraes. Long Ista, pipol oli talem, “!Kraes i girap long ded! Blesem Laef Bakegen long Ded blong Kraes!” Afta oli brekem eg blong tugeta.
Gana
Plante pipol oli werem waet klos long Ista Sandei taem oli stap selebretem Laef bakegen long Ded blong Jisas Kraes.
Gwatemala
Long Ista taem, pipol oli kavremap ol rod wetem ol kalakala kapet we oli mekem ol so das we oli peintem wetem ol flaoa. Ol kapet ia oli gat ol naes paten mo disaen long hem. Sam oli gat ol pikja blong Sevya.
Jemani
Gud Fraedei hem i wan “kwaet holidei” we bae oli no mekem tumas laod noes mo mekem ol pablik aktivi. Hemia i blong mekem ol pipol oli stap kwaet mo tingbaot wanem Jisas Kraes i bin mekem blong olgeta.
Peru
Plante famli oli mekem lafet long 12 kaen kakae long Tosdei kasem Fraedei bifo Ista. Ol kakae ia i riprisentem Las Sapa we Jisas Kraes i kaekae wetem Ol Twelef Aposol.
Filipin
Long Pam Sandei, ol pipol ol wivim lif blong olif i go long ol naes disaen. Hemia i helpem olgeta blong tingbaot olsem nao ol pipol long Jerusalem i welkamem Jisas Kraes wetem ol lif blong olif long Tabu Wik.
Ol pikja droing i kam long Flavio Remontti Oli save mekem kopi blong Jos nomo i yusum.