“Naesfala Plan,” Fren, Maj 2026, 4–7.

Naesfala Plan

Bifo yumi kam long wol ia, Papa long Heven i gat wan naesfala plan blong yumi. Bae yumi bon i kam long wol ia blong lan mo gro. Bae yumi folem kavenan rod blong Hem mo mekem ol gudfala joes.

Papa long Heven i bin save se bae yumi nidim help blong Hem. Hem i save se bae yumi mekem ol rabis joes mo mekem sin samtaem. Bae yumi no save gobak long Hem sapos we yumi no klin inaf.

Yumi nidim wan man we i spesel blong i helpem yumi klin from ol sin blong yumi. Jisas Kraes i fasbon spirit pikinini Boe blong Papa long Heven. Hem i agri blong kam long wol blong sevem yumi aot long ol sin blong yumi.

Pikja droing blong ol Waes Man i stap folem Krismes sta long ol kamel

Plante handred yia i pas, ol pipol oli stap wet blong Jisas i bon. Wan niu sta i kamaot long skae blong talemaot long wol se Sevya i stap kam.

Pikja droing blong Sevya wetem ol pikinini

Taem Jisas i groap. Hem i tijim ol pipol gospel blong Hem. Hem i kaen mo i gat lav. Hem i blesem ol pikinini.

Pikja droing blong Sevya i stap hilim wan gel we i sik long bed blong hem.

Hem i tijim se bae yumi mas folem Hem mo tritim nara man olsem we bae Hem i tritim olgeta. Hem i hilim ol pipol we oli sik. Hem i bin mekem olgeta we oli ded oli girap bakegen.

Pikja droing blong Jisas Kraes I Stap Prea long Getsemane

Jisas i save se hem i taem blong bigfala merikel blong Hem. Hem i go long garen blong Getsemane mo i prea. Hem i filim soa blong ol sin mo ol harem nogud mo ol sik blong yumi.

Pikja droing Jisas Kraes we i stap long kros

Sam pipol oli bin kros long Jisas. Oli no bin laekem wanem Hem i stap tijim mo no wantem bilif se Hem i Pikinini Boe blong God. Oli bin arestem Jisas mo nilim Hem long kros, ples we Hem i ded long hem.

Grup blong man blong serem sore oli stap rere long bodi blong Jisas long tumb.

Ol fren blong Jisas oli harem nogud. Oli putum bodi blong Hem long tumb mo rolem wan bigfala ston long fored blong doa.

Pikja droing blong Meri Makdelen i stap krae.

Tri dei afta, sam woman oli go long tumb. !Oli bin rolemaot ston ia finis, mo tumb ia i emti! Meri Magdelen i stat blong krae from bodi blong Jisas i lus. Wan kaen man i askem from wanem hem i stap krae. Taem Meri Magdelen talem wanem i hapen, Hem i singaotem Meri long nem blong hem. Taem hem i lukluk Hem mo luk se Hem i Jisas! !Hem i bin laef bakegen!

Pikja droing blong Sevya we i girap bakegen mo i kamaot long Meri Magdelen

Long taem blong Ista yumi stap selebretem wanem we Jisas Kraes i mekem blong yumi. From Jisas Kraes i safa from yumi, yumi save sakem sin mo kam klin aot long ol sin blong yumi. !From se Hem i bin girap bakegen long ded, yumi tu, yumi save girap bakegen long ded! From Hem, yumi save gobak mo stap wetem Papa long Heven mo stap wetem ol famli blong yumi blong taem we i no save finis.