Ol Ista Blangket

Ol pikinini long Perth Ostrelia, oli serem wom fasin blong Jisas Kraes taem oli stap givimaot ol blangket long ol olfala woman long wod blong olgeta. Long Ista taem long Ostrelia, ples i stat blong i wom bifo we bae ples i kolkol. Ol pikinini samtaem oli stap kasem ol niu wom klos blong silip wetem ol joklet eg long Ista moning. Wom klos blong silip mo ol blangket i save rimaenem yumi long wom fasin blong lav blong Jisas Kraes.

1. Oli go long stoa tugeta blong jusum ol blangket.

2. Oli mekem tu ol flaoa kraf, peintem ol Ista eg we oli mekem long wud, mo dekoretem ol kad we bae i go wetem ol Ista blangket.

3. Afta oli go givimaot ol blangket. Oli glad blong wok tugeta blong karem lav blong Sevya i go long ol narafala wan long taem blong Ista.

Hemia i leta we ol pikinini oli sendem i go wetem ol blangket!

Mi glad mi save joenem olgeta mo mekem samting tugeta. Soping trip ia i bes wan, mo mifala i save jusum ol kala blong ol blangket. Hem i bin wan gud mo hapi eksperiens.

Robert D., 9 yia

Mifala i glad blong luk smael long fes blong ol woman ia long wod blong mifala taem mifala i givim long olgeta ol blangket ia.

Micah mo Hyrum M., 10 mo 8 yia

Mi gat wan gud taem blong mekem wan samting we i naes blong ol olfala woman long wod blong mifala

Miley N., 8 yia

Openem PDF

Pikja droing i kam long Sophie Loren Moran. Oli save mekem kopi blong Jos nomo i yusum.