Rod blong Kasem Tabu Wik

Long Pam Sandei, ol pipol oli kam tugeta blong talem halo long Jisas Kraes taem we Hem i kam long Jerusalem. Oli singaot “Hosana” blong selebret. Hosana i wan Hibru tingting we i minim “plis sevem mifala.”

Long en blong Las Sapa, Jisas i wasem ol leg blong ol disaepol blong Hem. Hem i soem wan eksampol long wan seves we tingting i stap daon blong yumi save folem.

Insaed long Garen blong Getsemane, Jisas Kraes i bin prea mo filim evri singgel harem nogud mo trabol blong ol man. Hem i bin safa from ol sin blong yumi.

Josef blong Aramatea i askem sapos hem i save lukaotem bodi blong Jisas Kraes afta we Hem i ded. Josef i givim niufala tumb blong hem blong Jisas blong Hem i gat wan gudfala ples blong spel.

Meri Makdelen i bin faswan blong witnesem Sevya we i Laef Bakegen Long Ded. !Hem i ron mo go talem long ol Aposol gudfala nius ia!

Afta long ded blong Hem, Jisas Kraes i visitim ol “narafala sipsip” blong Hem raon long wol. Wan long ol ples Hem i visitim i long Amerika. Oli bin filim ol kil long ol han, ol leg mo saed bodi blong Hem mo oli save se Hem i Sevya ia we i bin laef bakegen.