Ista Kraf Kona

Long plante pat blong wol, ol tulip oli sam long fas flaoa blong oli open long spring taem. From hemia, oli ol saen blong wan niufala samting we i bon mo i save rimaenem yumi long sakrifaes blong Jisas Kraes. !Taem yumi mekem sin, yumi save sakem sin mo kam klin bakegen long saed blong spirit!

1. Foldem wan skwea pis blong pepa long haf blong mekem wan traengol.

2. Wetem longfala saed we i stapdaon, foldem raet en i go antap, mekemsua se i no fas long en antap.

3. Foldem lef saed long semmak wei olsem long step 2.

4. Tanem pepa blong yu ova. Long pat we tufala en i stap stik aot i sud stap antap.

5. Foldem ol en blong traengol long tugeta saed.

6. !Tanem pepa blong yu bakegen blong luk tulip blong yu! Afta kluem i go long wan pis blong pepa.

Blong mekem stik blong hem, katem wan grin pepa, faenem ol lif aotsaed blong putum klu long hem, o droem wan blong yu.

?Yu yu save se ol eg oli rimaenem yumi long wan niu laef? !Mekem eg salad resipi ia blong helpem yu tingbaot we Jisas Kraes i Girap Bakegen!

1. Wetem help blong wan adalt, boelem 6–8 eg blong 10 minit.

2. Letem ol eg ia oli kolkol, afta klinim mo katkatem i go long ol smol pis.

3. Long wan bol, miksim ol eg we oli katkatem wetem 1 tebol spun blong masted mo ¼ kap blong maeones. Sakem smol sol, pepa, mo paprika mo miksim bakegen.

4. !Putum antap long bred o biskit mo kaekae gud!