God I Lavem Wol Ia Tumas

Papa long Heven i lavem yumi tumas, mekem se Hem i sendem Pikinini blong Hem, Jisas Kraes, blong helpem yumi gobak stap wetem Hem.

Jisas i save se bae i gat ol taem long laef blong yumi we bae yumi filim sore, harem nogud mo filing blong stap yumiwan Bae yumi mekem mistek mo iven samtaem bae yumi fraet. Long Garen blong Getsemane, Jisas Kraes i jusum blong filim ol samting ia blong mekem se Hem i save andastanem mo helpem yumi i stret evriwan. Hem i pemaot sin blong yumi blong mekem se yumi save sakem sin. (Luk long Alma 7:11–13.)

Jisas i save se bae i gat taem we, yumi evriwan i mas ded. Ded i hem i pat blong laef. Be God i no wantem se ded bae i en blong stori blong yumi. From se Jisas Kraes i givim laef blong Hem mo i laef bakegen long ded, yumi evriwan tu bae i laef bakegen. Hemia i from wanem Hem i jusum blong ded from yumi

Yumi singaotem wanem we Sevya i bin mekem Atonmen blong Jisas Kraes. Tabu presen ia Hem i bin mekem wetem lav. Tingbaot, God i lavem tumas ol man long wol, Hem i sendem Pikinini blong Hem, Jisas Kraes (luk long Jon 3:16). Mo Jisas i lavem yumi tumas, Hem i givim laef blong Hem blong mekem se yumi save gobak mo stap wetem God bakegen.