“Ko Hoku Papitaisó,” Ko e Kaumeʻá, Fēpueli 2026, 17.
Ko Hoku Papitaisó
Naʻe papitaiso au ʻi he faʻahitaʻu māfana kuo ʻosí. Naʻe māfana ʻaupito ʻa e vaí. ʻI he taimi naʻe hiki hake ai au ʻe heʻeku tangataʻeikí mei he vaí, naʻá ku ongoʻi fiefia. Naʻe fakamoʻoniʻi ʻe he Laumālie Māʻoniʻoní naʻá ku fai ʻa e meʻa naʻe finangalo ʻa e Tamai Hēvaní ke u faí. Naʻá ku fiefia lahi.
ʻI he taimi naʻe papitaiso ai aú, naʻá ku fai ha fuakava, pe ko ha fepalōmesiʻaki mo e Tamai Hēvaní te u muimui kiate Ia mo tauhi ʻEne ngaahi fekaú. Naʻá Ne palōmesi mai te Ne tokoniʻi mo tataki au ʻaki ʻa e meʻafoaki ʻo e Laumālie Māʻoniʻoní.
Hili hoku papitaisó, naʻe talitali lelei au ʻe he pīsopé ʻi heʻeku hoko ko ha mēmipa ʻo e Siasí mo akoʻi mai ha lēsoni. Naʻá ne kole mai ke u tuʻu ʻi ha sea ʻo sio ki ha fakatātā ʻo Sīsū Kalaisi naʻe tautau ʻi he holisí. Naʻe lava foki ke u sio ki ha ʻata ʻoʻoku ʻi he sioʻata ʻo e ʻesiaʻi taá. Naʻá ne akoʻi mai ʻe ʻiate au maʻu pē ʻa Sīsū ʻi he taimi te u fiemaʻu ai Iá.
ʻOku ou ʻilo ko e papitaisó ko ha meʻa lelei ia. ʻOku ou fiefia lahi ʻi heʻeku fili ke papitaisó, pea ʻoku ou ʻiloʻi te ke fiefia kapau te ke fai pehē foki mo koe!
Tā fakatātā ʻa Simona Love