Ngaahi Kaungāmeʻa ʻi he Funga ʻo e Māmaní

Naʻe tānaki mo tufaki ʻe he fānau Palaimeli ʻi ʻEka, Palāsilá, ha ngaahi meʻa mahuʻinga ki he kakai matuʻotuʻa ʻoku nofo ʻi ha senitā tokoni ki he moʻuí. Naʻa nau ako ʻa e manavaʻofá, angaʻofá, mo e tokoni ki he niʻihi kehé.

Naʻe tānaki ʻe he fānau Palaimeli ʻi Kalolaina Noate, USA, ha ngaahi tohi ʻe 500 tupu ki ha ngāue tokoni fakasiteiki. Naʻe foaki ʻa e ngaahi tohí ki ha ngaahi laipeli taʻetotongi fakalotofonua ke tokoni ki he fānaú ke nau lava ʻo maʻu ha ngaahi tohi taʻetotongi.

Hena C., taʻu 10, Tekisisi, USA

ʻEitilieni H., taʻu 6, Vāhenga Hemipeiki Metulopoliteni, Siamané

Sia I., taʻu 7, Kaiongitō, Kōlea Tonga

“Tuʻu ʻi he Ngaahi Potu Toputapú,” Kalavini R., taʻu 9, Uisikonisini, USA

Ki he efiafi fakafāmili ʻi ʻapí, naʻa mau talanoa ai ki he ngaahi temipale naʻe langa ʻe he kakai ʻi he Tohi ʻa Molomoná. Hili iá naʻa mau langa leva ha ngaahi temipale ʻa mautolu pē.

Siovani, ʻEniselina mo Keipi M., taʻu 8, 5, mo e 6, Kalolaina Tonga, USA

Naʻá ku fokotuʻu ha taumuʻa ki he Polokalama ʻa e Fānaú mo e Toʻu Tupú ke ako ha ngaahi hiva ʻi heʻeku kītaá mo hiva ʻi ha senitā nofoʻanga toulekeleka. Naʻá ku ngāue mālohi ki heʻeku taumuʻá ʻo laka hake ʻi he taʻu ʻe tahá. Naʻe ʻaonga moʻoni ʻeku ngāue mālohí! Naʻá ku fiefia ʻi he taimi naʻá ku lavaʻi ai ʻeku taumuʻá mo ongoʻi ʻa e ngaahi tāpuaki ʻa e Tamai Hēvaní.

ʻIngikiliti O., taʻu 10, ʻAiouā, USA

Naʻá ku fakaafeʻi hoku ngaahi kaungāmeʻa mei he akó ke nau omi ki hoku papitaisó. Naʻá ku fiefia ʻi he ʻi ai ha toko ua ʻo hoku ngaahi kaungāmeʻá mo hona ongo fāmilí. Naʻá ku ongoʻi e ʻofa ʻa e Tamai Hēvaní hili hoku papitaisó. ʻOku ou ʻilo ko ha fānau au ʻa e ʻOtuá.

Liami R., taʻu 8, Vahefonua Sanitiako Metulopoliteni, Sileí

ʻOku lolotonga ngāue fakafaifekau hoku tuofefiné. ʻOku ou ʻamanaki atu ki haʻaku ngāue fakafaifekau ʻi heʻeku matuʻotuʻa angé. ʻOku ou fie tokoni ki he kakai ʻi he feituʻu kotoa pē ke nau ako fekauʻaki mo Sīsū Kalaisi.

Līvai T., taʻu 9, ʻOhaiō, USA

Naʻá ma ō ki he ouau tanupou ʻo e Temipale Tarawa Kiribati.

ʻEpikeili mo Saiala E., taʻu 8 mo e 10, Talaua, Kilipati.