“Unsay Atong Buhaton sulod sa Templo?” Higala, Oktubre 2025, 38–39.
Unsay Atong Buhaton sulod sa Templo?
Nganong ang mga propeta maghisgot og maayo mahitungod sa templo? Dili lang kini usa ka maanindot nga gambalay. Ang templo usa ka balaan nga balay sa Dios. Sa sulod, kita mohimo og mga saad ngadto sa Dios ug modawat sa Iyang espesyal nga mga panalangin. Kita mobuhat sa samang butang alang sa atong sakop sa pamilya kinsa nangamatay na. Ang templo mao usab ang espesyal nga dapit diin ikaw makabati sa Espiritu Santo ug magkaplag og kalinaw ug kalipay.
Ania ang pipila ka mga kasinatian nga imong maangkon diha sa templo sa umaabot!
Mga Pagbunyag ug mga Kompirmasyon diha sa Templo
Si Jesukristo nagtudlo nga kita kinahanglan nga mabunyagan aron makapuyo pag-usab uban sa Dios (tan-awa sa Juan 3:5). Kon ang usa ka tawo mamatay nga wala mabunyagi, usa ka tawo mahimong bunyagan ug kompirmahan alang kanila diha sa templo. Ang tawo nga namatay makapili sa pagdawat sa mga ordinansa, mopasakop sa Simbahan sa Ginoo, ug makadawat sa Espiritu Santo. Makahimo ka sa mga bunyag sa templo ug mga kompirmasyon inig edad nimo og 12.
Ang Pagtuga
Atol sa pagtuga, ikaw makakat-on mahitungod sa plano sa Langitnong Amahan ug ni Jesukristo bahin sa kaluwasan. Ikaw mohimo og mga saad nga mosunod ni Jesukristo ug motuman sa Iyang mga sugo. Kon mohimo ka og mga saad uban sa Dios, Siya mosaad kanimo og espesyal nga mga panalangin. Pagkaanindot nga gasa!
Ang Pagselyo
Sa pagselyo diha sa templo, ang mga pamilya gisaaran nga sila magkauban hangtod sa kahangtoran. Kon kita motuman sa Dios, kita makapuyo pag-usab uban ang atong pamilya human kita mamatay.
Paghulagway pinaagi ni Bryan Beach