Pagsunod ni Jesus sa Finland

Si Viljami nagsunod ni Jesukristo pinaagi sa pag-ampo ug pag-adto sa nataran sa templo. Si Eino nagsunod Kaniya pinaagi sa pagkamabination ngadto sa iyang igsoong lalaki ug igsoong babaye. “Kon mosunod ko ni Jesus, nindot ang akong pamati,” miingon si Eino.

Si Viljami ug Eino nagsunod usab kang Jesus pinaagi sa pag-adto sa simbahan uban sa ilang mga ginikanan. Aron makaadto sa simbahan, sila molakaw ug mosakay og bus. Ang Finland mahimong tugnaw kaayo, mao nga sila magsul-ob og pangpainit gayod nga sinina kon sila mosimba atol sa tingtugnaw!

Edad: Si Viljami nag-edad og 7 ug si Eino nag-edad og 5

Gikan sa: Pirkanmaa, Finland

Pinulongan: Finnish

Mga tumong: Gusto ni Viljami nga makakat-on sa paggamit sa elektrikal nga mga makina. Gusto ni Eino nga molangoy atol sa ting-init ug magkat-on og parkour.

Mga Kalingawan: Si Viljami ganahan nga magdula og football, ug si Eino ganahan og badminton ug paglangoy.

Pamilya: Viljami, Eino, Mama, Papa, igsoong babaye

Istorya sa Kasulatan: Si Viljami ganahan sa dihang si Jesukristo gibunyagan, ug si Eino ganahan sa dihang Siya natawo.

Tradisyon sa Pamilya: Si Eino ganahan kon ang iyang pamilya mohimo og tortillas ma-Dominggo.

Pagkaon gikan sa Finland: Si Viljami ganahan og isda ug karjalanpaisti (tradisyonal nga karne nga sinabwan).

Mga Prutas ug mga Utanon: Si Viljami ganahan sa mandarin nga mga orange ug mga pipino, ug si Eino ganahan sa mga strawberry, mga raspberry, ug mga pipino.

Mga kolor: Ganahan si Viljami sa tanan nga mga kolor gawas sa brown, ug ganahan si Eino sa bangaw.

Kanta sa Primary: Ganahan si Eino sa “Akong Papa” (Songbook sa mga Bata, 111).