Dali, Sunod Kanako Nga mga Kalihokan

Sa higayon ang usa ka templo matukod, usa ka espesyal nga pag-ampo gisulti aron sa pagpahinungod, o pag-set apart, sa templo sa Dios (sama sa Doktrina ug Pakigsaad 109). Makakat-on ka og dugang mahitungod sa mga templo pinaagi sa pagpangolekta og mga kard sa templo sa pahina 12. Paghimo og imong kaugalingong kard sa templo mahitungod sa templo nga labing duol nimo! O moadto sa pahina 13 aron maghimo og art sa templo gikan sa ginisi nga papel.

Ang Langitnong Amahan kanunay nga makadungog sa atong mga pag-ampo (tan-awa sa Doktrina ug mga Pakigsaad 112:10–11). Aron matabangan ka nga maandam sa pag-ampo, sulayi sa pagsulat o pagdrowing kon unsa ang gusto nimong iampo. Mahimo nimong ilakip ang butang nga ikaw mapasalamaton, ang tawo nga nagkinahanglan og tabang, ug mga butang nga ikaw nagkinahanglan og tabang.

Si Jesukristo mingalan sa Iyang gipahiuli nga Simbahan og “Ang Simbahan ni Jesukristo sa mga Santos sa Ulahing mga Adlaw (tan-awa sa Doktrina ug mga Pakigsaad 115:4). Isulat ang matag pulong niini nga ngalan diha sa usa ka gilis sa papel. Isagol-sagol ang mga papel. Dayon sulayi sa pagbutang ang ngalan sa Simbahan sa husto nga pagkahan-ay. Tan-awa kon unsa ka paspas nga imo kining mahimo!

Kon naglisod ka sa pagsunod ni Jesukristo, ang ginagmay nga mga butang makahimo og dakong kalainan! (Tan-awa sa Doktrina ug mga Pakigsaad 123:15–17.) Sunda ang instruksiyon sa pahina 34 aron magpilo og usa ka eroplano nga papel. Dayon paghimo og laing eroplano nga papel apan lak-angi ang usa sa mga lakang. Hain ang mas maayo nga makalupad? Nganong ang matag pilo importante?