Ang Akong mga Pulong sa Ebanghelyo

Ang pagkabalaan nagpasabot nga pagkahimong balaan o sagrado. Kita maningkamot alang sa pagkabalaan pinaagi sa pagsunod sa mga sugo ug pagtuman sa mga pakigsaad (o mga saad) nga atong gihimo uban sa Dios. Ang mga pulong nga “Pagkabalaan ngadto sa Ginoo—ang Balay sa Ginoo” anaa sa entrada sa matag templo.

Ang pulong nga pagselyo nagpasabot sa paghiusa sa usa ka lalaki ug usa ka babaye ug sa ilang mga anak alang sa kahangtoran. Kini nagpasabot nga sila mahimong mag-uban sa kahangtoran didto sa langit ugma damlag. Ang pagselyo usa ka ordinansa nga mahitabo diha sa templo.

Daghang mga tawo ang namatay nga wala nakahibalo mahitungod ni Jesukristo ug wala mabunyagi diha sa Iyang Simbahan. Kon kita mobuhat og mga bunyag alang sa mga patay diha sa templo, kita nagsul-ob og puti sama sa dihang kita gibunyagan. Apan imbis nga magpabunyag alang sa atong kaugalingon, kita gibunyagan puli sa usa ka tawo nga namatay na. Ang ngalan nianang tawhana isulti diha sa pag-ampo sa bunyag, ug aduna silay kahigayonan sa pagdawat sa panalangin sa bunyag.

Ang atong tinuod nga pagkatawo mao kon si kinsa gayod kita. Kitang tanan hinigugma nga espiritu nga mga anak sa atong langitnong mga ginikanan. Pinaagi sa pagsunod sa plano sa Dios, kita makakat-on, molambo, ug mahimong sama sa atong Manluluwas, si Jesukristo.

Ablihan ang PDF

Mga paghulagway pinaagi ni Madison Baker