Bwebwenato ko an Jeje ko Rekwojarjar

Rijilōk ro rej Jerbale juon Mijen n̄an Great Britain

Josep Smith ej pijaiki an Rijilōk ro kwaļo̧k gospel ilo Great Britian.

Irooj ekar jiron̄ Josep Smith n̄an jilkinļo̧k jet iaan Rijilōk ro n̄an juon mijen n̄an Great Britian. Ekar pen n̄an Rijilōk ro n̄an em̧m̧akūt jān baam̧le ko aer, ak Irooj ekar kallim̧ur n̄an kōjeraam̧m̧an er.

Baam̧le eo an Kimball rej nan̄inmej im pād ioon beet.

Heber C. Kimball im kōrā eo pāleen, Vilate, ewōr juon aer baam̧le edik. Elōn̄ iaer rekar lukkuun nan̄inmej.

Brigham Young ej ba iak-iakwe n̄an baam̧le eo an.

Brigham Young ekar barāinwōt nan̄inmej, im baam̧le eo an rekar jeramōļ. Ak kōrā eo pāleen Brigham, Mary Ann, ekar jiron̄ e, “Etal im kakūrņool mijen eo am̧, im Irooj enaaj kōjeraam̧m̧an eok.”

Heber im Brigham rej iuwe ilo tulikin juon wākōn

Heber im Brigham rekar ājmourļo̧k, ak rekar lukkuun m̧ōjņo̧. Rekar kōņaan kwaļo̧k kōn gospel eo, bwe rekar ba iakiakwe n̄an baam̧le ko aer im kar tallōn̄ ļo̧k tulikin juon wākōn n̄an jino iaļen ito itak eo aer.

Heber im Brigham rej kwaļo̧k gospel eo n̄an armej ro ilo Great Britain

Ālkin juon tūreep eaitok kijoone lo̧jet eo, Heber im Brigham rekar itaakļo̧k ilo Great Britian. Ippān Rijilōk ro jet, rekar katakin elōn̄ armej ro gospel eo. Taujin armej ro rekar peptaij tok n̄an Kabun̄ eo an Kraist. Elōn̄ iaer rekar jerak tok ilo wa wijlā ko kijoone lo̧jet eo n̄an kobaļo̧k ippān Rikwojarjar ro ilo United States.

Baam̧le ko an Herber im Brigham rej wanm̧ae im iakiakwe er ilo oob eo.

Irooj ekar kōjparok kallim̧ur eo An im kōjparoke baam̧le ko an Heber im Brigham ilo iien eo rekar jerbal n̄an E āinwōt mijenede ro.