Kein Bōbrae Jān Det Jilōn̄lōn̄
“Ta eo n̄e jekar ekkat jet wōjke ko?” Cristal ekar kajjitōk.
Juon bwebwenato em̧ool jān Argentina.
“Jemaron̄ ke etal n̄an plaza eņ?” Leddik eo jatin Ivan Cristal ekar kajjitōk.
Ivan ekar renam̧ōjļo̧k. “Ikōņaan,” ekar ba. “Ak bōlen jej aikuj in kōttar m̧ae iien aļ ej tulo̧k. Elukkuun bwil.”
Plaza eo ekar juon meļaaj in ujooj ekilep iturin m̧weo im̧ōer Rekar iakwe ikkure naam̧e doon ak em̧mooj ijeņ ippān ro jerāer. Ak plaza eo ekar ejjeļo̧k jabdewōt jikin ello̧r n̄an aer maron̄ kakkije jān bwil. Im jōm̧ar in, ekar juon jorrāān eļap.
Cristal ekar jab keroro ium̧win jidik iien. Innām ekar ba, “Ta eo n̄e jekar ekkat jet wōjke ko? Innām plaza eo en kar wōr jikin kalo̧r ie. Innām jemaron̄ kar ikkure men̄e ej bwil!”
Ivan ekar ettōn̄dikdik. “Em̧m̧an ippa meļeļe ņe!”
Ivan im Cristal rekar jiron̄ļo̧k Papa aolepān karōk eo aer. “Inaaj kajjitōk ippān ribukwōn in kōn mālim,” ekar ba.
Jejjo̧ wiik tokālik, ekar wōr aer mālim eo rekar aikuji im rekar pojak in jinoe! Papa ekar bōk Ivan im Cristal n̄an wōjke kileplep eo me ekar eddōk iturin m̧weo m̧weer. Ium̧win wōjke eo, elōn̄ wōjke jiddik ko rekar eddōk.
“Ke wōjke eo ekilep ekar juļ, ekar kōwōtļo̧k ine ko ņae ioon laļ,” Papá ekar kōm̧eļeļei. “Innām wōjke jiddik ko rekar eddōkļo̧k jān er. Rekar āinwōt mennin kabwilōn̄lōn̄ ko reddik!”
Papá ekar kwaļo̧k n̄an er wāween aer lukkuun kūbwijtok wōjke jiddik ko. Ivan im Cristal rekar katōki ilowaan ninne in ut ko.
Innām, juon ālkin rālep in Jādede ke aļ ekar penjak ippān kōdo̧ ko, Ivan im Cristal rekar kanne ļo̧k juon kaat kōn wōjke jiddik kein. Jidik kōn jidik, rekar bwilli ļo̧k n̄an plaza eo. Ļaddik im leddik ro reddikļo̧k jatin Ivan rekar jipan̄ kotaki bōkaj in dān ko. Mamá im Papá rekar bōktok jet jabōļ.
Ippān doon, rekar karōk juon jikin n̄an kajjojo wōjke. Rekar kūbwij ro̧n̄ ko im katōk kajjojo wōjke kōn iakwe. Mamá ekar kwaļo̧k n̄an er wāween aer kūbwij ro̧n̄ ko ipeļaakin wōjke ko n̄an wūttidikdiki er. “Wōjke ko rej aikuj meram in al, dān, im elōn̄ ōn ko n̄an kajoor aer eddōl,” liin ekar ba. “Āinwōt ajri ro!”
Ivan ekar ļōmņak kōn wōjke ko iturin m̧weo im̧ōn im pijaki ilo kōļmenļo̧kjeņ eo an ewi wāween aer naaj eddōk juon raan. “Kwomaron̄ ke tōmak menin?” ekar ba. “Juon raan wōjke kein renaaj aetok jān kōj!”
Ilo jibūriin̄ eo, wōjke ko renaaj kabwilōn̄ aolep kōn aiboojoj eo aer, wūt biin̄ ko rebbōļ. Ilo jōm̧ar eo, kallōr eo aer enaaj errakrakļo̧k n̄an plaza eo. Im ilo fall, wūt ko renaaj maron̄ kalpopoik laļ ilo juon kaarbet iaļo̧.
Aolep raan, Ivan im Cristal rekar loļo̧k plaza eo n̄an lale ejet wūt ko. Rekar lukkuun lale bwe kajjojo wūt ekar bwe dān n̄an er. Im aolep iien juon bōlōk kāāl ak ra ekar eo̧n̄, rekar lukkuun m̧ōņōņō kake. Aer jerbal eļap ekar waļo̧k tōprakin.
Ivan ekar en̄jake an m̧ōņōņō lōm̧nak kōn aolep armej ro renaaj lan̄lōn̄ kōn ello̧r eo ilo plaza eo juon raan. Ekar jipan̄ kōm̧m̧an bwe laļ en juon jikin eaiboojoj ļo̧k kōn ajri ro aolep nejin Jemedwōj Ilan̄.
Kōmeļeļe ko jān Colleen McKeown