Waanjon̄ak eo an Lellap eo Jibū

Jān Būreejtōn Henry B. Eyring

Rikakpilōklōk eo Kein Karuo ilo Būreejtonji eo Kein Kajuon

Kōm̧m̧an oktak jān “Laam̧ Waan Ej Katak eo an Jisōs Kraist,” Liaona, Nob. 2024, 96–99.

Kōrā eo ej keke nuknuk, ej jepo̧o̧ļ jān rūtto ro im ajri ro rej ron̄jake e

Jibū Mary Bommeli ekar wijlepļo̧k e n̄an kwaļo̧k gospel eo an Jisōs Kraist. Baam̧le eo an rekar katak ippān mijenede ro ilo Switzerland ke ekar 24 iiō dettan.

Ālkin peptaij eo an, Mary ekar em̧m̧akūtļo̧k n̄an Germany. Eaar lo bwe ejjab maron̄ dāpij e jen an kwaļo̧k kōn men ko eaar katak. Armej ro rekar aiintok doon ipeļaakin n̄an ron̄jake an katakin ilo an keke nuknuk.

Mary ekar kōnono kōn Bok in Mormon eo im Jemedwōj Ilan̄ im loļo̧k eo an Jisōs Kraist n̄an Josep Smith. Ekar katakin kōn Jerkakpeje eo. Ekar kam̧ool bwe baam̧le ko remaron̄ ippān doon n̄an indeeo.

Katakin ajri ro nejin Jemedwōj Ilan̄ kōn Jisōs Kraist ej juon jerbal ekwojarjar. Ilo ad katakin pedped kein n̄an ro jej iakwe er, Jetōb Kwojarjar enaaj jipan̄ kōj jeļā m̧ool eo.

Ejaake juon Bwebwenato an Baam̧le

Būreejtōn Eyring ekar m̧weiir kōn jibūn. Wōn ilo baam̧le eo am̧ ej im̧we eok n̄an kāālet jim̧we eo? Kōjerbal bānōļ ko itulaļ n̄an ejaake juon bwebwenato an baam̧le.