Laļ eo Ad Eaiboojoj

Kōrā eo pāleeō im n̄a kar bōk jet iaan ajri ro jibūm̧ n̄an juon jikin kallib em̧m̧an ilo France. Kōm̧ij nōbar peet wūt ko raiboojoj, wūt ko ilo dān, im ļe ko.

Jikin kallib eo ekar an juon em̧m̧aan etan Claude Monet. Ekar juon rijin̄a eo em̧m̧an. Ekar lukkuun tiljek jerbal ilo jikin kallib eo an ium̧win 40 iiō ko. Ekar kōm̧anm̧an būkwi jin̄a ko me rekar im̧ōk jān rikallib eo an.

Aiboojoj in piktokin emaron̄ jipan̄ kōj wōr ad kam̧m̧oolol n̄an Jemedwōj Ilan̄ im Nejin, Jisōs Kraist. Rekar kōm̧anm̧an laļ in eaiboojoj ippān to̧ļ ko, dān ko remenāān ioon dān, mennin eddōk ko, im mennin mour ko.

Kōm̧anm̧an kein rem̧m̧an rej kwaļo̧k wāween an Anij lukkuun iakwe kōj. Ijoke, rej barāinwōt itok kōn eddo ko im jerbal ko. Menin ej ņaetan juon jerbal in bōk eddo. Jej aikuj in kōjparok men ko me Anij ekar kōm̧anm̧ani n̄an kōj.

Jemedwōj Ilan̄ ej barāinwōt karuwaineneik kōj n̄an kobaļo̧k ilo jerbal in kōm̧anm̧an ko An. Jemaron̄ kōm̧m̧an jin̄a, al, im men ko jet n̄an kōmeramļo̧k mour ko ad im kōjeraam̧m̧an ro jet.

Anij ej kallim̧ur kōn kōjeraam̧m̧an ko reļļap n̄e jej iakwe im kea kōn laļ in im kajjojo iaad. Ilo am̧ kōm̧m̧an āindein, kwonaaj en̄jake eļapļo̧k iakwe eo An eļapļo̧k ilo mour eo am̧.

Torn-Paper Art

Bishop Caussé ekar katakin bwe jemaron̄ erom̧ rikōm̧anm̧an ro barāinwōt! En̄in ej juon amimōņo̧ komaron̄ in kōm̧m̧ane n̄an keememej kōm̧anm̧an ko raiboojoj an Jemedwōj Ilan̄.

1. Pukote juon pija in juon men ilo kōm̧anm̧an ko me ej im̧we eok.

2. Ioon juon m̧ōttan peba, kōjerbale juon penjōļ n̄an jin̄aiki m̧ōttan ko roktak an pija eo.

3. Potake kōļar peba ko n̄an kōjerbale ilo pija eo am̧.

4. Kōddāpi m̧ōttan kōļar peba ko an peba ko ilowaan annōn̄ eo am̧.

Kōpeļļo̧k PDF

Kōmeļeļe jān Maddie Baker