Itok, Ļoor Eo Makūtkūt ko

Anij ej kūr Bisop ro im branch būreejtōn ro n̄an jipan̄ jerbal n̄an armej ro ilo ward ko aer ak branch ko (lale Katak im Bujen Ko 72:2). Mwijiti ļo̧k peba menono ko im je men ko kwoj iakwe kōn bisop eo am̧ ak branch būreejtōn eo ioon kajjojo iaer. Teepe menono ko n̄ae kōjem̧ eo an opiij eo aer ak m̧weo m̧weer.

Juon raan jemaron̄ mour ilo laļ eo an selestial ippān Jemedwōj Ilan̄, Jisōs Kraist, im baam̧le ko ad (lale Katak im Bujen Ko 76:62, 70, 92). Jeje ko rekwojarjar rej keidi laļ eo an Selestial n̄an aļ. Kōjerbale juon peba pileej ak m̧ōttan juon peba n̄an kōm̧m̧ane juon aļ. Mwijiti ļo̧k peba triangle ko n̄an juran meram in aļ im kūļū ak teepi n̄an doulul eo, Kōnono kōn ta eo kwoj maron̄ kōm̧m̧ane kiiō n̄an m̧aanjepopo ñan mour ippān Jemedwōj Ilan̄ im Jisōs Kraist juon raan.

Ium̧win tōl eo an Anij, Jisōs Kraist ekar kōm̧anm̧an aolep mennin mour ioon laļ in (lale Katak im Bujen Ko 77:2). Ikkure juon ikkure kwaļo̧k etan mennin mour eo! Juon armej ej kōttan ke ej juon kain mennin mour. Aolep ro jet rej kajjieon̄ kwaļo̧k ta mennin mour eo rej er. Mae iien kwoj kwaļo̧k im ejim̧we, ba juon men eo kwoj kōņaan kōn mennin mour eo.

Jemedwōj Ilan̄ aolep iien ej ron̄jake jar ko ad (lale Katak im Bujen Ko 81:3). Ippān baam̧le eo am̧, al “A Child’s Prayer” (Children’s Songbook, 12). Jinoe al eo ippān baj juon armej. Innām jidik jidik kōm̧m̧an bwe bar juon en koba waj. Ālkin am̧ al, kōnono kōn men ko komaron̄ jar kaki āinwōt juon baam̧le.