Jab Lukkuun Wāppen
Raan eo ejjab wāppen an Adeline ekar lukkuun jem̧ļo̧k!
Juon bwebwenato em̧ool jān France.
Adeline ekar kam̧ōj jin̄aiki bo̧o̧k in kōkkāļļe eo āliktata ilo peba eo an. Iturin ļo̧k, ekar je, Kōm̧m̧ane jar in jibbon̄ ko im bon̄.
“Ta in?” M̧am̧a ekar kajjitōk.
“Ij kōm̧m̧ane juon aō laajrak in kōkkaļļeik n̄an ilju,” Adeline ekar ba. “Inej bōk juon raan ewāppen!”
Maman ekar lelōn̄ļo̧k etin. “M̧ool ke?”
Adeline ekar emajidjid. “Ilo Būraimere jej ekkatak kōn erom̧ wāppen ilo Kraist. Inaaj kajjieon̄ bwe aō en em̧m̧an bwe in maron̄ bōk raan ko rewāppen.”
“Ij m̧ōņōņō bwe kwokōņaan kōm̧m̧an kālet ko rem̧m̧an,” Maman ekar ba. “Ak kwojeļā, ewōr juon wōt armej ilo laļ in eo ekar wāppen—Jisōs Kraist.”
Adeline ekar lale. “Ijeļā. Ak ikōņaan kajjieon̄! Ij ļōmņak imaron̄ kōm̧m̧ane.”
Ke ej itok jibbon̄ eo, Adeline ekar pojak. Ekar karōke beet eo an im kōm̧m̧ane jar in jibbon̄ eo an.
Ilo iien mabun̄, ekar jipan̄ naajdik leddik eo jatin edik, Sylvia, Ke Sylvia ekar lutōk pijej ko kijen ioon aolepān jea eo an, Adeline ekar bōk kitwōn. Ekar bōnbōn n̄an emān im kar jipan̄ kareeo.
Ilo jikuuļ, Adeline ekar kappok armej ro rej aikuj jipan̄. Lucas ekar in̄rōk bukiien neen, kōn menin ekar ineeke pileej in m̧ōn̄ā in rālep eo an n̄an e.
N̄e etal n̄an jikuuļ, Adeline ekar ettōn̄ dikdik ilo an lukkuun ijō n̄an kōrā eo ej jibwe im kōppeļļo̧k kōjam̧ in wōrwōr an jikuuļ eo. Kōrā eo ekkā wōt an em̧m̧alkaro. Ak rainin ekar bar ettōn̄dikdik n̄ane.
Ālkin jikuuļ, Adeline ekar leļo̧k n̄an Sylvia to̧ļe mennin mour eo em̧m̧antata ippān Sylvia bwe en ikkure kake. Im m̧okta jān an etal im kiki, ekar jar. Ekar kōkkaļļe men ko em̧ōj an kōm̧m̧ani ilo peba eo ej kōllaajrak men ko aikuj kōm̧m̧ani innām kakoņe ium̧win būļan̄kōj ko an. Ekar lukkuun m̧ōņōņō im lukkuun m̧ōk. Ekar pojak n̄an bar juon raan ewāppen ilju!
Ke Adeline ekar ruj raan eo juon, aolep to̧ļe ko an rekar ejjeplōklōk ipeļaakin piļoor eo. Sylvia ekar jibwe juon iaer im keene tok n̄an ippān. Bōlen ekar kadiwōj tok aolepāer!
“Sylvia!” Adeline kar būron̄. “Ikar ba n̄an eok bwe kwon jab jibwe to̧ļe kane nejū!” Ekar kanōke to̧ļe eo Sylvia ekar jibwe. Sylvia ekar jan̄ im ko jāne.
Adeline kalimjōke peba in laajrak in men ko aikuj kōm̧m̧ani dipin kōjam̧ eo. Būruwōn ekar eddo.
Maman ekar deļo̧n̄e tok iien eo ke Adeline ekar dānin kōm̧jaļļaaļ turin jeben.
“Ta eo ekar waļo̧k?” M̧am̧a ekar kajjitōk.
“Ikar meļo̧kļo̧k in jar. Ikar jab karōke beet eo an.” Ainikien Adeline ekar bōbōlōōl. “Im ikar lāj n̄an Sylvia. Raan eo aō ewāppen em̧ōj an jem̧ļo̧k!”
Maman ekar bakwij Adeline. “Ekar lukkuun in maron̄ wāppen aolep iien. Em̧ool, eban tōprak.”
Adeline ekar kōmmen̄ turin māja. “Ak ewi wāween aō maron̄ wāppen ilo Kraist?”
“En̄in baj āindein! Jejjab maron̄ wāppen eļan̄n̄e ejjab kōn Jisōs Kraist,” Maman ekar ba. “Ekar letok mour eo An n̄an kōj kōnke Jemedwōj Ilan̄ ekar jeļā jenaaj kōm̧m̧an bōd im naaj aikuj jipan̄. Jisōs ekar bōkļo̧k kajjieon̄ in jab wāppen ko ad im kōm̧anm̧aniļo̧k.”
Adeline ekar ļōmņak kake. “Kōn menin ejjab maron̄ wōr aō raan ko rewāppen aolep raan?” ekar kajjitōk.
Maman ekar kōjōboululi bōran. “Jaab. Enej wōr am̧ raan ko reppen. Ak enaaj wōr am̧ raan ko rem̧m̧an barāinwōt.” Maman ekar abjeiki tok koļan bōran Adeline iturin lo̧jiln̄in̄. “Kwoj kajjieon̄ jon̄an eo komaron̄e ej ta eo eaorōk. Men̄e eļan̄n̄e juon raan ej ijjino kōn juon bōd in kālet, jemaron̄ aolep iien jar n̄an ukweļo̧k im bar kajjieon̄. Kōn jipan̄ eo an Jisōs Kraist, ebwe ijo ippem̧.”
Adeline ekar en̄jake māņāān ilowa.
“Kiiō, kōn laajrak eo am̧.” Maman ekar jitōn̄ļo̧k laajrak eo. “Etke kōjro ejjab mijōk wōt juon men?”
Adeline ekar kalimjōke laajrak eo an. Ekar kekōļe m̧ōttan peba eo im teeb eo ekar ta eo ekar pād wōt dipin kōjem̧ eo. Juon men ekar pād ekar ba, Jar jibbon̄ im jota.
Adeline ekar ettōn̄ dikdik. “Raan ko aō remaron̄ jab wāppen, ak imaron̄ jar juon aō jar kiiō. Kōn jipan̄ eo an Jisōs Kraist, enaaj bwe!”
Kōmeļeļe ko jān Giovanni Abeille