Jāān lo Mōn Wia Eo
Iien in, inej tōn kōm̧m̧an lukkuun ta eo M̧am̧a ekar kajjitōk, Anane ekar ļōmņak.
Juon bwebwenato em̧ool jān Ghana.
Anane ekar ettōn̄ dikdik ke ekar etetalļo̧k ilo iaļ eo. Nemān ek būrāāe im ikitōltōl in armej ekobrak m̧ōn wia eo. Ekar ilo̧k ilo iaļ eo an ļo̧k n̄an m̧weo im̧ōn Uncle eo . M̧am̧a ekar leļo̧k n̄an Anane jet jāān bwe en leļo̧k n̄an Uncle.
Ekar reito reitak ilo aolep jāļōb ko rej wia kake leen wōjke ko, m̧ōn̄ā ko, im men ko jet. Innām juon men ekar tōt mejān ie.
Ekar wōr juon m̧ōn̄ā ilo jeļōb eo me ewōr ruo iaan men ko reno̧tata ippān, toffee im betkōj. Ekar kalimjōke jāān ko Jinen ekar liļo̧k n̄ane. Jibukwi cedis eļap, ekar ļōmņak. M̧ōn̄ā eo em̧m̧antata ippān ekar wōņāān 10 wōt cedis. Uncle bōlen eban jeļā eļan̄n̄e elōn̄ jet iaer rejako.
Anne ekar wiaki m̧ōn̄ā ko. Ekar rube juon toffee n̄an lo̧n̄iin im etetal wōt n̄an m̧weo im̧ōn Uncle.
Uncle ekar jutak nam̧ōj in m̧weo im̧ōn ke Anane ekar etetal ļo̧k.
“Eļan̄n̄e ejjab Anane jidikdik eo! Itok,” uncle ekar ba. “Ta eo imaron̄ kōm̧m̧ane n̄an kwe?”
“Ikar bōktok jet jāān jān M̧am̧a.” Anane ekar leļo̧k n̄an e jāān ko, innām bar likūt pein ilo bōjo̧ ko an. Uncle enaaj ke kile ke jet iaan jāān ko rejako? Ekar lale ke Uncle ekar bwini.
“Kom̧m̧ool kōn am̧ jibwi tok,”Uncle ekar ba.
Anane ekar m̧ōņōņō ke uncle ekar jab kile ke ewōr jāān ko rekar jako. Ekar ba iakiakwe im jino etetal aitok eo an n̄an m̧weo im̧ōn. Ilo ial eo an, ekar kan̄ aolep toffee ko im betkōj ko kijen.
“Ejet am̧ kar etetal ļo̧k n̄an m̧weeo iim̧ōn Uncle?” Jinen ekar kajjitōk ippān Anane ke ej tōpar m̧weo.
Ekar nukwij aeran. “Ekar em̧m̧an.”
“Kom̧m̧ool kōn am̧ kar bōkļo̧k jāān ko n̄an e n̄an n̄a,” Jinen ekar ba.
Anane ekar kalimjōk laļ. Ekar jino en̄jake bōd eo an. Ta eo eļan̄n̄e jinen im jemān renaaj jeļā ke ekar wia kake jet iaan jāān ko? Ekar jab kōņaan bwe en jako aer lōke e.
Jibbon̄ eo juon, Jinen ekar kajjitōk ippān Anane n̄an wia jet men ilo m̧ōn wia eo ebaak. “Kaju ro̧o̧ltok ālkin am̧ wia ilo m̧ōn wia eņ, EMMAN KE?”
“EM̧M̧AN.” Anane ekar etetal ļo̧k n̄an m̧ōn wia eo, ak ekar jab bōjrak im wia juon men. Ekar kōm̧akūtkūt ātin im ļōmņak, Iien in inej kōm̧m̧ane ta eo m̧am̧a ekar kajjitōk.
Iien eo ekar dedeļo̧k, ekar kaju ro̧o̧l n̄an m̧weo. Ekar leļo̧k n̄an jinen aolep bwe in jāān ko.
Jabōt eo, Anane ekar etal n̄an kūlaaj in Būraimere eo an. “Iakwe in jibbon̄!” rūkaki eo an ekar ba. “Rainin jenej kōnono kōn pokake. Elukkuun aorōk n̄an kōj n̄an ron̄jake jined im jemād im kōm̧m̧ani kāālet ko rem̧m̧an.”
Anane ekar ļōmņak kōn jāān ko ekar wia kaki kōn toffee im betkōj ko. Ekar en̄jake n̄e lo̧jeen ekar em̧m̧akūt. Ekar jeļā ke ekar kōm̧m̧ane juon kālet ebōd.
Alkin jar, Anane ekar kōņaan kōnono n̄an jinen im jemān. Menono eo an ekar bam̧.
“M̧am̧a, Baba? Kwojeļā ke jāān ko kwaar litok n̄an n̄a bwe in būkļo̧k n̄an Uncle?” Anane ekar kajjitōk. “Ekwe, ikar wia jet kijō m̧ōn̄ā kaki.” Ekar kalimjōk laļ. “Joļo̧k aō bōd”
“Kom̧m̧ool kōn am̧ m̧ool,” Jemān ekar ba. “Ij m̧ōņōņō kōn eok.”
Anane ekar ettōn̄ dikdik. Ekar lukkuun m̧ōņōņō bwe ekar kwaļo̧k m̧ool eo. Im ekar em̧m̧an an en̄jake ālkin an jiron̄ jinen im jemān. Ekar kadede kōm̧m̧ane juon kāālet em̧m̧an.
Kōmeļeļe jān Aleksandar Zolotic