Faitau Faigofie

O Le Faailogatusi o le Kuki

Saunia e Alissa Holyoak

O se tala moni mai le ISA.

Tamaitiiti o loo tilotilo i se kuki i luga o se fata

“E mafai ona ou aveina le kuki mulimuli?” na fesili ai Siaki.

“Ta sefea mo taeao,” o le tala lea a Tina. “Ua oo i le taimi moe.”

Sa faapau i lalo tauau o Siaki. Sa ia fufulu ona nifo. Sa faamaulu ona ofu moe. Ma sa ia mafaufau pea lava pea i le kuki.

Sa alu o ia i le umukuka mo se vaiinu. Sa i ai le kuki i totonu o se ato i tafatafa o le paipa. Na leai se tasi na autilo atu.

Tamaitiiti o loo aveeseina le kuki mai le fata

Sa se’i e Siaki ma faatopetope atu i lona potu. Sa ia tosoina mai le kuki mai le ato ma u. Manaia.

Ona ia faalogoina lea o tulagavae. O lona uso! Sa moulu Siaki i lalo o lona palanikeke.

O le tamaitiiti matua o loo talanoa i lona uso, o loo i luga o lona moega ma foliga faanoanoa

“O le a lau mea na e fai?” Na fesili ai Trevor.

Na maua e Siaki se tusi i lalo o le palanikeke. “Um … faitau.”

Sa toso ese e Trevor le palanikeke mai ia Siaki. “Ma se kuki?”

”Ou te … O loo ou faaaogaina e fai ma faailogatusi,” o le tala lea a Siaki.

O loo mafaufau Tina e faaaoga se kuki e fai ma faailogatusi

Sa savali mai foi Tina i totonu. ”O se kuki mo se faailogatusi?”

O le tamaitiiti o loo foliga faanoanoa i lalo o lona palanikeke

Sa toe toso e Siaki le palanikeke i ona luga. Sa faamoemoe o ia o le a o ese atu Tina ma Trevor. E leai.

Sa vevela foliga o Siaki. Sa ia autilo mai i fafo mai le palanikeke. “Sa ou aveina le kuki ina ia mafai ona ou aia.”

“Faafetai mo le faamaoni,” o le tala lea a Tina.

Sa fa’auu foliga o Siaki. “Ae e le o lelei lo’u lagona.”

Sa nofo ifo Tina i le moega. “O le tatalo mo se faamagaloga e mafai ona fesoasoani. E mafai ona fesoasoani Iesu Keriso ia te oe e toe lagonaina le filemu.”

O loo tatalo Tina ma atalii e toalua i tafatafa o le moega

Sa tootuli Tina ma Trevor ma tatalo faatasi ma Siaki. Sa ia faamalie atu ona o le aveina o le kuki ma le pepelo.

Ina ua uma ona ia faia, sa ataata Siaki. “Ei, ua ou maua se lagona lelei!” Sa ia tuu atu le kuki ia Tina. “Ma ou te matea o le a sili atu le lelei o lona tofo taeao!”