Fausiaina o le Malumalu o Katelani

Sa ta’u atu e le Alii ia Iosefa Samita ua oo i le taimi e fausia ai se malumalu i Katelani, Ohaio, ISA. O le a avea ma se nofoaga faapitoa o le a asiasi atu ai le Alii i Ona tagata ma faia ni folafolaga ma i latou.

Sa amata ona fausia e le Au Paia le malumalu. Sa taugata tele ma sa tele ni galuega na alu ai. Ae sa latou fiafia lava e maua faamanuiaga a le Alii.

A o galulue le Au Paia i le malumalu, sa amata ona leai ni a latou tupe. Sa tatalo i latou i le Atua mo se fesoasoani.

Sa sefeina e se tamaitai e igoa ia Caroline Tippets ma lona aiga le tele o tupe. Sa latou faatagaina le Ekalesia e nono mai ni tupe e fesoasoani ai e fausia le malumalu.

Sa galulue malosi le Au Paia. O nisi sa aveina taavale solofanua sa tumu i maa. O isi na faia lavalava ma meaai mo le ’aufaigaluega.

Sa aoina e tamaiti ni fasi tioata ua taeie olopala ma tuu i luga o puipui o le malumalu ina ia susulu atu i le susulu o le la.

Ua lata ona maea le malumalu! Sa fiafia le Au Paia e o atu i le maota o le Alii e maua faamanuiaga na Ia folafola atu ia i latou.