E Mafai Ona Ou Fesoasoani e Fausia Siona

I le Mataupu Faavae ma Feagaiga, sa finagalo le Alii i tagata ia faapotopoto i se nofoaga e tasi ina ia mafai ona latou mulimuli faatasi ia te Ia (tagai Mataupu Faavae ma Feagaiga 62:4). Sa Ia faaigoaina o Siona.

O le uiga o Siona o “e loto mama.” O lona uiga o soo se tasi e faia le mea sili latou te mafaia e mulimuli ai ia Iesu Keriso e mafai ona fesoasoani e fausia Siona.

O le asō, e mafai ona tatou fausia Siona i soo se mea tatou te nonofo ai! E mafai ona tatou fausia Siona i o tatou aiga, uarota, ma paranesi faapea foi ma o tatou loto. Ua aoao mai perofeta ma aposetolo tatou te fausia Siona pe a tatou galulue faatasi ma tausia i latou e manaomia le fesoasoani.

O nisi nei o auala e mafai ona e fesoasoani ai e fausia Siona:

Fai galuega o talafaasolopito o aiga.
Fesoasoani i se matua po o sou tei i le fale.
Faitau au tusitusiga paia.
Auauna atu i lou tuaoi.
Faatalofa atu i se tagata fou i le aoga po o le lotu.
Faamagalo se tasi.
Tatalo mo se tasi o loo manaomia le fesoasoani.

O se vaega o le fausiaina o Siona e aofia ai le fausiaina o malumalu. O taimi uma lava e te faia ai se mea e fesoasoani e fausia ai Siona, valivali i se avanoa i luga o le faamalama o le malumalu.