Mai le Au Peresitene Sili
O le Agaga Paia
Sii mai le “Uo i le Uo: Mulimuli ia Iesu” (vitio), Potutusi o le Talalelei.
O lo’u Tinamatua o Chasty o le ulumatua o ona uso ma tuagane Olsen, ma e masani ona ia tausia i latou. I le taumafanafana, sa latou taaalo ai i se vaitafe matutu e latalata i lo latou fale i Castle Dale, Iuta, ISA. I se tasi aso sa lagona ai e Chasty se siufofoga. Aveese tamaiti mai le vaitafe. Ae sa le’i faalogo Chasty. Sa latou fiafia.
Ona ia toe faalogoina lea o le leo. Ae, sa ia taalo pea. Ona tautala faatolu mai lea o le leo. O ese mai le vaitafe!
O le taimi lea na faanatinati atu ai e Chasty tamaiti i fafo. Sa faafuasei, ona latou faalogoina se leo tele. Sa sau i lalo se pa tele o le vai mai mauga. Ona sa faalogo Chasty i le Agaga Paia, sa ia faasaoina ai o latou ola uma.
E mafai e le Agaga Paia ona lapataia i tatou pe a i ai ni faafitauli i luma atu. E alofa lou Tama Faalelagi ia te oe. Na te silafia tou amioga alofa amiotonu, o le a Ia faamanuia ai outou.
Paso o Uunaiga
O se uunaiga o se manatu po o se lagona mai le Agaga Paia e fai se mea. I le tala a Peresitene Oaks, na uunaia ai e le Agaga Paia ia Chasty e aveese tamaiti mai le vaitafe. O le a le mea na uunaia e le Agaga Paia nei tamaiti taitoatasi e fai? Ina ia iloa, tusi se laina i le va o pusa lanu e fetaui lelei. Aua le sopoia nisi laina!
O ata na tusia e Corey Egbert