Alofa mai Luga

A o ou tuputupu ae, sa aoaoina au e o’u taitai o le Peraimeri e faapea o poloaiga e pei lava o ni tusi alofa mai le Atua. Ina ua avea au ma se tina, sa ou mafaufau soo i lenei aoaoga! Aemaise lava a o ou aoaoina la’u fanau laiti.

A o laitiiti lo’u atalii matua, sa ma fiafia e fai faatasi ia kuki. Sa fiafia o ia e matamata i kuki a o taoina i le ogaumu. Sa ou lapataia o ia ia aua nei latalata tele atu i ai. Ae sa matuai fia iloa lava o ia ma sa tuu ai ona lima ma foliga i luga o le faitotoa tioata ma sa manua ai. E lei mu o ia, ae sa vevela! Sa amata ona tagi o ia ma tamoe sao mai i o’u lima.

Ona ou te alofa i lo’u atalii, sa ou tuuina atu ai ia te ia se lapataiga ina ia saogalemu o ia. E tuuina mai e le Atua ia i tatou poloaiga aua e finagalo o Ia e tausia i tatou ia saogalemu. O poloaiga e pei lava o se tusi alofa mai le Atua!

Na faapea mai Iesu Keriso, “Afai tou te alofa mai ia te au, ia outou tausi mai i a’u poloaiga” (Ioane 14:15). E faaalia e le Atua Lona alofa mo i tatou e ala i le tuuina mai ia i tatou o poloaiga. Pe a tatou tausia Ana poloaiga, tatou te ta’u atu ia te Ia, “Ou te alofa foi ia te oe.”

Tatala le PDF

O ata na saunia e Sue Teodoro