O Gaoioiga o le Sau, Mulimuli Mai ia te A’u

Na talosagaina e le Faaola ia Iosefa Samita e tuu ni tusi lelei i aoga a le Ekalesia ina ia mafai ai e tamaiti ona aoao mea na Ia finagalo ia latou faia (tagai Mataupu Faavae ma Feagaiga 55:4). Filifili se tusi po o se tala e sili ona e fiafia i ai. Feauauai i le faitauina ma le faasoaina atu o mea na e aoaoina.

Faitau le Mataupu Faavae ma Feagaiga 59:9–19 ma talanoa e uiga i le auala e faamanuiaina ai i tatou pe a tatou tausia le aso Sapati ia paia. Ona liliu lea i le itulau e 13 ma filifili se gaoioiga e fai.

E finagalo le Atua ia tatou talanoa ma le faaeteete e uiga i mea paia (tagai Mataupu Faavae ma Feagaiga 63:64). Faatasi ai ma se vaega, tutu i se li’o ma se tagata e toatasi i le ogatotonu, ma uu se seti o tusitusiga paia. O lena tagata e moeiini o latou mata, faataamilo, ma faasino atu i se tasi. O le tagata na latou filifilia e faasoa atu se mau ma isi tagata.

E finagalo le Alii ia tatou maua se loto ma se mafaufau naunautai (tagai Mataupu Faavae ma Feagaiga 64:34). E mafai ona tatou faaaluina le taimi e mafaufau ai ia Iesu Keriso ina ia latalata atili atu ai ia te Ia! Aumai se taga po o se ato e fai ma faatusa o lou mafaufau. Tuu mea i totonu o le ato o le a fesoasoani ia te oe e mafaufau ai e uiga i le Faaola.

I tusitusiga paia, tatou te aoao ai i le taua o le i ai o ni uo “faamaoni ma faatuatuaina” e fesoasoani ia i tatou e mulimuli ia Iesu Keriso (tagai Mataupu Faavae ma Feagaiga 69:1–2). Fai se meaalofa e tuu atu i se uo! E mafai ona e valiina se ata, fai se taulima, pe tao se meaai mama. Tusi se tusi i lau meaalofa e ta’u atu ai i lau uo e te alofa ia i latou.