Tusia e You

Tatalo e Faamalosia ai le Paoa

Saunia e Noah W., 10 tausaga, Iuta, ISA

O maneta o le pusaaisa o loo faaalia ai se tamaitiiti o loo tatalo, se fetu, ma se fasi falaoa faapa’u Farani

O taeao o Aso Sa e sili ona lelei aua o lona uiga o le falaoa faapa’u sinamoni Farani! Sa faatagaina au e lo’u tina e saeu le paluga ma tuu le falaoa faapa’u Farani i luga o le falai. O le malutaeao e tasi lea ou te matua fiafia ai lava.

I se tasi Aso Sa, sa ou iloa ai le filemu o le umukuka. Sa le mafai ona ou sogisogi i le sinamoni i le ea lea e faatumuina ai le fale i isi Aso Sa. O le taimi lena na ou vaai ai i ai: se faailo tusitusia piniki matautia i luga o le pusaaisa. Sa faapea mai, “Aso Sa Anapogi.”

Na sau lo’u tina e faamanatu mai ia i matou o le Aso Sa anapogi. Sa ou faanoanoa lava. Sa ou manao lava i le falaoa faapa’u Farani!

Sa nofo lo’u tina i lalo i le nofoa ma fusi mai ia te au. Sa ia ta’u mai ia te au o le anapogi e fesoasoani i la tatou sootaga ma le Atua ma aumaia ai i tatou ia latalata atili atu ia Iesu Keriso. Sa ou aoaoina foi o le anapogi o se auala e faamalosia ai a tatou tatalo. E pei lava o le tuuina atu o se mana i a tatou tatalo.

Ou te le’i iloaina e faapitoa tele le anapogi. Sa faafuasei ona ou toe lagonaina le fiafia. Ae o le taimi lenei sa le faatatau i le falaoa faapa’u Farani. Sa faatatau i le anapogi! Sa ou faafetai atu i lo’u tina ma toe tamoe sao atu i lo’u potu. Sa ou nofo ma mafaufau po o ai ou te manao e anapogi ai mo lena aso. Sa tatau ona ou faitauina aua e le na o se tatalo. O se tatalo e faamalosia ai le malosiaga, o se tatalo e i ai se malosiaga aua sa ou anapogi.

Sa ou tootuli ma amata la’u anapogi. Ina ua uma la’u tatalo, sa ou matua fiafia lava, ma sa ou le toe fiaai. Sa ou fusiina lo’u tina, ona ou fai atu lea faafetai mo le aoaoina o au e uiga i le anapogi. O le aso atoa sa ou lagonaina ai le filemu. Ina ua uma le aso, sa faaiu la’u anapogi i se tatalo. E le’i i ai se isi taimi na sili atu ai ona manaia le tofo o meaai!