Fesoasoani ia Lucas, Fesoasoani ia Lexi

Saunia e Rebekah Jakeman

O se tala moni mai le ISA.

O Lucas ma Lexi o se tuagane ma se tuafafine. E fiafia e galulue ma taaalo faatasi.

Ata o se tamaitiiti ma se matatioata ma se teineitiiti e i ai ni fusi vae

E tauaso Lucas. O lona uiga e le lelei lana vaai. E faavaesii Lexi. O lona uiga ua femilosai lona vae, ma e faigata ona savali. E fesoasoani Lucas ia Lexi e savali pe a vaivai ona vae. E faitau atu Lexi ia Lucas pe a vaivai ona mata. E fiafia i la’ua e fesoasoani le tasi i le isi.

Ata o se teineitiiti o loo matamata i lona tuagane i luga o pa manuki

E fiafia Lucas ma Lexi e taaalo i le malae taalo. E fesoasoani Lucas ia Lexi pe a sulu ma pa’ū. E fesoasoani Lexi ia Lucas pe afai e le mafai ona ia maua pa manuki.

E fiafia Lucas ma Lexi e taaalo i taaloga laupapa. E faitau e Lexi ia tulafono ia Lucas. E fesoasoani Lucas ia Lexi e fuafua le isi ana gaoioiga.

Ata o le tamaitiiti o loo ta piano feaveai ma le teineitiiti o loo pese

E fiafia Lucas ma Lexi i musika. E fiafia Lucas e ta le piano. E fiafia Lexi e pese. O nisi taimi e taina ai e Lucas le piano a o pese Lexi.

Ata o se tamaitiiti ma se teineitiiti o loo faamama le fale

E fiafia Lucas ma Lexi e fesoasoani le tasi i le isi. O nisi taimi e fesoasoani ai Lucas ia Lexi e fai lona moega. O nisi taimi e fesoasoani ai Lexi ia Lucas e piki i luga ana meataalo.

Ata o se tamaitiiti ma se teineitiiti o loo faitau tusitusiga paia

E fiafia Lucas ma Lexi e faitau tala o tusitusiga paia. La te fiafia e aoao e uiga ia Iesu Keriso ma le auala na Ia fesoasoani ai i isi. Sa alofa Iesu ia i latou sa Ia fesoasoani i ai.

Ata o se tamaitiiti ma se teineitiiti o loo fusi

E fiafia Lucas e fesoasoani ia Lexi, ma e fiafia Lexi e fesoasoani ia Lucas. La te alolofa ia Iesu Keriso ma mananao e avea faapei o Ia. E alofa Iesu ia Lucas ma Lexi. E fiafia o Ia e fesoasoani le tasi i le isi.