Ua Maua e Lusi le Upu Moni

Ua tatala e le teineitiiti le faitotoa e faataga ai se vaega o alii a o nofo se tamaitai i se masini lalaga

I se tasi aso, sa fesoasoani ai Lusi Morley e 15 tausaga i lona tuaoi, o Abigail Daniels, e lalagaina le ie. A o la galulue, sa tuitui mai ni faifeautalai se toatolu i le faitotoa. Sa latou fai mai na auina atu i latou e Iesu Keriso e faasoa atu se savali.

Ua faa’u’u le fafine i le masini lalaga a o talanoa alii ma le teineitiiti

Sa ta’u atu e nei alii ia Abigail ma Lusi na valaauina e Iesu ia Iosefa Samita e avea ma perofeta. Sa latou ta’u atu foi ia i la’ua e uiga i le Tusi a Mamona.

O se fafine ita o loo tuli ese alii mai lona fale

Na faate’ia Lusi ina ua ita Abigail. Sa ia faatonuina faifeautalai e o ese.

E toe tepa i tua alii a o tamoe ese atu le teineitiiti e mulimuli ia i latou

Sa iloa e Lusi o faifeautalai o ni auauna a le Atua. Sa ia fai atu ia i latou e asiasi i lona aiga i lalo atu o le auala.

O Alii i le laulau o le meaai o le afiafi ma le teineitiiti ma lona aiga

Sa o atu faifeautalai i le fale o Morley. Sa valaaulia e matua o Lusi ia faifeautalai e aoao i latou ma a latou uo.

Teineitiiti na tuu le solo i tauau o se tamaitai a o papatisoina se isi tagata i se vaitafe i tua atu

I lena po, e 17 tagata na papatisoina. I nai aso na sosoo ai, e 50 isi tagata na faalogo i faifeautalai ma papatisoina. E oo lava i le tuaoi o Lusi o Abigail na suia lona mafaufau. Sa filifili o ia ma lona toalua, faatasi ai ma Lusi ma tagata o lona aiga, e mulimuli ia Iesu Keriso e ala i le papatisoina.