5 Auala e Faia Ia Faapitoa ai le Faamanatuga

O vaiaso uma lava i le lotu, e mafai ona tatou tagofia le faamanatuga.

O se taimi faapitoa lenei e manatua ai Iesu Keriso ma feagaiga na tatou osia i le papatisoga.

O auala nei e lima e mafai ona e saunia ai mo le faamanatuga.

1. Ia saunia mo le lotu! Faatulaga ou lavalava o le Aso Sa i le po a o lumanai le lotu. E mafai ona fesoasoani lenei mea ia te oe e te le lagona ai le faanatinati. Taumafai ia e taunuu i le taimi mo le lotu ina ia mafai ona e faalogologo i musika ma mafaufau ia Iesu Keriso. A e saunia mo le faamanatuga, ua e saunia e lagona Lona alofa.

   

2. Mafaufau e uiga i lou vaiaso. O le a le mea na tupu i le vaiaso na muamua atu? Na e faia se mea agalelei? Pe na i ai ni mea na e lagonaina le mitamita i ai? E i ai se mea o le a sili atu ona e faia i le vaiaso a sau? E mafai ona e mafaufau i nei mea a o e saunia mo le lotu ma le taimi o le faamanatuga.

   

3. Mafaufau i mea e te manao e fai i se isi auala. Vaai i se ata o le Faaola i le Uo. Taulai atu ia te Ia ma manatua ona o Ia, e mafai ai ona tatou salamo ma toe taumafai pe a tatou faia se filifiliga leaga. E alofa o Ia ma le Tama Faalelagi ia te oe!

   

4. Tatalo i le Tama Faalelagi. O le faamanatuga o se taimi faapitoa lea e mafaufau ai e uiga i le soifuaga o Iesu Keriso ma Lana Togiola. Faaaoga le taimi filemu lenei e fai ai se tatalo faapitoa i le Tama Faalelagi. Ta’u atu ia te Ia mea uma o loo i lou mafaufau, ma e mafai ona Ia tuuina atu ia te oe le filemu (tagai Filipi 4:6–7).

   

5. Faitau faatasi ia tatalo o le faamanatuga. O tatalo o le faamanatuga mo le areto ma le vai o loo i le Mataupu Faavae ma Feagaiga 20:77, 79. Faitau tatalo nei a o le’i faia pe i le taimi o le sauniga. Afai e te manaomia se fesoasoani e malamalama ai, fai atu i se tagata matua e faitau faatasi ma oe. Ia gauai atu i taimi uma o loo ta’ua ai Iesu Keriso i tatalo.

   

O Ata na tusia e Jarom Vogel