O Gaoioiga o le Sau, Mulimuli Mai ia te A’u

Ua aoao mai tusitusiga paia o le fuafuaga o le faaolataga a le Atua e taulai atu ia Iesu Keriso ma fesoasoani ia i tatou e toe foi atu ai i le Tama Faalelagi (tagai Mataupu Faavae ma Feagaiga 29). Aveese se fasi pepa. Oti ese se ata o le Faaola mai le Uo ma faapipii i le ogatotonu. I le avanoa faaopoopo, tusi ni mea e mafai ona e faia e toe foi atu ai ia te Ia. Fesili i se tagata matua mo se fesoasoani pe afai e te faaletonu!

Na fetalai Iesu Keriso e tatau ona tatou fausia lo tatou faavae i luga o Lana talalelei (tagai Mataupu Faavae ma Feagaiga 33:12–13). Ia feauauai i le fausiaina o se olo o poloka i le maualuga e te mafaia. Ona ave lea o poloka taitasi mai le ogatotonu po o le pito i lalo o le olo seia oo ina pa’u. E faapefea ona fesoasoani lenei mea ia te oe e manatua ai e fausia lou faavae i luga o Iesu Keriso?

Ina ua asiasi atu Iesu Keriso i Ierusalema i le vaiaso mulimuli o Lona soifuaga, sa talotalo atu e tagata lala o le pama e faamanatu ai. O lala o le pama o se faatusa o le ola e faavavau. Ona o Iesu Keriso, o le a tatou toetutu uma ai ma mafai ona maua le ola e faavavau (tagai Mataupu Faavae ma Feagaiga 138:17). Tusi ou lima i luga o se pepa lanumeamata ma tipi ese ia tulagalima. Kelu pe faapipii i se laau e fai ai se lala o le pama.

I le Mataupu Faavae ma Feagaiga, na fetalai atu ai Iesu Keriso i le Au Paia e faapotopoto faatasi ina ia mafai ona Ia faamanuiaina i latou i le mana mai le lagi (tagai Mataupu Faavae ma Feagaiga 38:31–32). Faapotopoto faatasi se vaega e le itiiti ifo ma le toafa i se li’o. Uumau lima o ni tagata eseese se toalua e faafesagai ma oe e fai ai se faapona a tagata. Taumafai e toe tatala outou lava i se li’o e aunoa ma le lafoaia o lima o se tasi!