“O Se Valaaulia mo le Eseta,” Uo, Aperila 2025, 2–3.
Mai le Au Peresitene Sili
O Se Valaaulia mo le Eseta
Sii mai le “Faamagalo Atu i Isi: O Se Savali o le Eseta mai ia Peresitene Russell M. Nelson” (vitio), Potutusi o le Talalelei.
O lenei Eseta, sa ou mafaufau ai i se tasi o taimi mulimuli o le soifuaga o le Faaola i le lalolagi. A o faasatauroina o Ia i luga o le satauro i Kalevaria, sa fetalai mai le Togiola i upu nei: “Lo’u Tama e, ia e faamagaloina atu ia te i latou; aua ua latou le iloa le mea ua latou faia” (Luka 23:34).
E leai se mea e faigofie e uiga i le faamagalo. Ae a tatou filifili e faamagalo atu, ua tatou tuu atu i le Alii e faatoafilemu ma faamaluluina o tatou loto. O lenei mea e mafai ai ona tatou vaai i isi, aemaise lava i latou o e na faia ni mea sese ia i tatou, o ni fanau a le Atua ma o tatou uso ma tuafafine.
A’u uo pele, ou te valaaulia outou ma le agaga tatalo e mafaufau i se tasi e tatau ona outou faamagaloina. E leai se isi auala talafeagai e faamamalu ai le Alii o Iesu Keriso i lenei Eseta. Ou te folafola atu a outou faamagalo atu, o le a aumaia e le Alii o le Filemu ia te outou le filemu.
Ua toetu Iesu Keriso. E alofa o Ia ia te oe. Ma ona o Ia, e mafai ai ona e lagonaina le olioli ma le vavega o le faamagaloga.
Faitauga i lalo e oo i le Eseta
Fai se gaoioiga mo aso taitasi e tau atu i le Eseta e fesoasoani ia te oe e mafaufau ai ia Iesu Keriso. A uma ona e faia gaoioiga taitasi, valivali se fugalaau.
Aso Sa o le Laupama
Usu pe faitau upu o le “Ua Toetu Iesu” (itulau 18).
Aso Gafua
Faamatala se tala e sili ona e fiafia i ai e uiga ia Iesu Keriso.
Aso Lua
Faitau le Ioane 11:25.
Aso Lulu
Auauna atu i se tasi, e pei ona sa faia e le Faaola.
Aso Tofi
Usu pe faalogologo i le “Ketesemane” (Viiga—Mo Le Aiga ma le Ekalesia, nu. 1009).
Aso Faraile
Faitau le savali o le Eseta i le itulau 2.
Aso Toonai
Faitau le 3 Nifae 11:9–17.
Aso Sa o le Eseta
Fai le polokalama o le Eseta o loo i le itulau 24 e faamatala ai le tala o le Eseta.
Ata na tusia e Róisín Hahessy