Ang Pagkapari Gipahiuli

Mabasa ninyo kini nga istorya diha sa Joseph Smith—Kasaysayan 1:66–73 ug sa Doktrina ug mga Pakigsaad 27:12.

Si Joseph Smith nga nakigsulti kang Oliver Cowdery uban sa usa ka bula sa imahinasyon [imagination bubble] nga nagpakita kang Kristo nga mibisita sa mga Nephita

Human si Joseph Smith nakadawat sa bulawan nga mga palid, nagsugod siya sa paghubad niini. Gisulat ni Oliver Cowdery ang unsay iyang gisulti. Samtang nagtrabaho sila, ilang nakat-onan nga gusto ni Jesukristo nga ang tanan mabunyagan.

Si Joseph Smith ug si Oliver Cowdery nag-ampo diha sa kakahoyan

Naghunahuna si Joseph ug Oliver kon kinsa ang adunay gahom sa Dios sa pagbunyag sa mga tawo. Miadto sila sa kakahoyan aron mag-ampo ug mangutana sa Dios.

Anghel nga nagpandong sa iyang mga kamot sa ulo ni Joseph Smith

Samtang nag-ampo sila, usa ka anghel ang mipakita. Miingon siya nga siya si Juan Bautista, kinsa mibunyag ni Jesukristo sa dugay nang panahon. Gihatagan niya si Joseph ug Oliver sa Aaronic nga Pagkapari aron makabunyag sila sa uban. Ang pagkapari mao ang gahom sa Dios. Gigamit kini aron sa pagpanalangin sa mga anak sa Dios.

Si Joseph Smith nga nagbunyag kang Oliver Cowdery

Si Juan Bautista misulti kang Joseph ug Oliver nga magpabunyag. Miadto sila sa usa ka suba ug gibunyagan ang usag usa. Sa dihang mihaw-as sila sa tubig, napuno sila sa Espiritu Santo. Malipayon kaayo sila!

Tulo ka anghel nga nagbutang sa ilang mga kamot sa ulo ni Joseph Smith

Wala madugay, miabot ang uban nga mga anghel. Tulo sa Apostoles ni Jesukristo—sila si Pedro, Santiago, ug Juan—mihatag kang Joseph ug Oliver sa Melchizedek nga Pagkapari. Karon si Joseph ug Oliver makahatag sa gasa sa Espiritu Santo ngadto sa uban.