Pagsunod ni Jesus sa Madagascar

Si Lauren nagsunod ni Jesukristo pinaagi sa pagkahimong usa ka maayo nga ehemplo ug sa pagsunod sa mga sugo sa Dios. Usa ka higayon naglisod siya sa iyang klase sa social studies. Bisan og lisod kini kat-onan, miingon siya, “Nag-ampo ko ngadto sa Dios, ug Siya mihatag kanako og kahibalo aron masabtan kini.”

Ang pagtabang sa uban makapalipay kaniya. Miingon siya, “Mobati ko og kalipay tungod kay ako makasunod sa ehemplo ni Kristo sa dihang Siya mitabang sa uban.”

Edad: 9

Gikan sa: Rehiyon sa Sofia, Madagascar

Mga Pinulongan: Malagasy ug French

Tumong: Mahimong usa ka piloto tungod kay siya ganahan nga magpalupad og eroplano

Mga Kalingawan: Pagdula og soccer, pagdula og mga dula uban sa pamilya, ug pagbasa og mga libro

Pamilya: Lauren, Papa, ug upat ka igsoong lalaki

Istorya sa Kasulatan: Ang paborito nga kasulatan ni Lauren mahitungod ni Jesukristo mao ang istorya sa Iyang pagkatawo (tan-awa sa Mateo 1:18–25; 2; Lucas 1:26–38; 2:1–20) tungod kay kini nagsulti kanato nga ang atong Manluluwas natawo aron sa pagluwas kanato.

Prutas ug utanon: Mansanas ug kalabasa

Pagkaon: Pizza

Kolor: Rosas

Awit sa Primary: “Kon Ako Bunyagan” (Songbook sa mga Bata, 53)