Ilailaha ang Bulawan nga mga Palid!

~AD 421

Ang propeta sa Basahon ni Mormon nga si Moroni miselyo sa bulawan nga mga palid. Ang mga palid mitudlo mahitungod ni Jesukristo. Kini usab misaysay sa kasaysayan sa katawhan ni Moroni.

1823

Isip usa ka anghel, si Moroni mibisita ni Joseph Smith. Si Moroni misulti kaniya nga ang bulawan nga mga palid gilubong sa duol nga bungtod sa Cumorah.

1827

Human nag-andam si Joseph sulod sa upat ka tuig, ang Ginoo misalig kaniya sa pagdala pauli sa mga palid.

1828

Si Joseph mihubad sa mga palid pinaagi sa pagpaminaw og maayo sa Espiritu Santo. Migamit usab siya og espesyal nga mga himan gikan sa Dios. Migamit siya og usa ka bato nga gitawag og bato sa manalagna ug mga himan nga gitawag og mga tighubad o ang Urim ug Thummim nga gilubong uban sa mga palid.

1829

Ang Langitnong Amahan mitabang ni Joseph nga makasabot kon unsa ang gisulti sa mga palid. Si Oliver Cowdery mitabang sa pagsulat sa unsay gihubad ni Joseph.

Labing menos dose ka tawo ang nakakita sa bulawan nga mga palid. Usa kanila mao si Mary Whitmer. Mabasa ninyo ang pagpamatuod sa ubang mga saksi diha sa atubangan sa Basahon ni Mormon. Walay usa niini nga mga tawo ang milimod sukad kon unsay ilang nasinati.

1830

Ang unang nahubad nga kopya sa Basahon ni Mormon sa Iningles, giimprinta didto sa Palmyra, New York, USA.

Karong Adlawa

Karon ang Basahon ni Mormon gibasa sa tibuok kalibotan! Nahubad kini ngadto sa 115 ka pinulongan. Ang mga misyonaryo nagpakigbahin Basahon ni Mormon ngadto sa tanan nga ilang mahimo.