“Kalinaw gikan sa Templo,” Higala, Marso 2025, 2–3.
Gikan sa Unang Kapangulohan
Kalinaw gikan sa Templo
Gikuha gikan sa “Maayo ra ang Tanan Tungod sa mga Pakigsaad sa Templo,” Liahona, Mayo 2024, 24–27.
Pipila ka tuig ang milabay, ang akong asawa ug ako mibiyahe aron sa pagbisita sa Idaho Falls Idaho Temple. Ang among upat ka anak nga lalaki nagpabilin sa balay uban sa usa ka tigbantay.
Samtang nangandam kami nga mopauli, usa sa mga worker sa templo misulti kanamo nga ang Teton Dam sa silangang Idaho nahugno! Dakong bahin sa among siyudad ang nalubog sa tubig.
Ang akong asawa ug ako miluhod ug nag-ampo ngadto sa Langitnong Amahan alang sa kahilwasan sa among mga anak ug sa liboan ka tawo nga naapektohan sa baha. Kini nga mga pulong klaro nga miabot sa akong kasingkasing ug hunahuna: “Bisan unsa pa ang mahitabo, maayo ra ang tanan tungod sa templo.” Mapasalamaton kami nga nakahibalo sa kaulahian nga luwas ra ang among mga batang lalaki.
Walay mas importante pa kay sa pagtahod sa mga pakigsaad nga inyong himoon ugma damlag diha sa templo. Bisan unsa pa ang mahitabo, maayo ra ang tanan tungod sa mga pakigsaad sa templo.
Liko-liko [Maze] sa Templo
Ang templo makahatag kanato og kalinaw atol sa lisod nga mga panahon. Subaya ang liko-liko hangtod ngadto sa kinaibabwan sa Idaho Falls Idaho Temple!
Mga paghulagway pinaagi ni Alyssa Tallent