“Tabang gikan sa Langit,” Higala, Marso 2025, 20–21.
Tabang gikan sa Langit
Gipahiangay gikan sa “Gusto Ba Kamo nga Magmalipayon?” Liahona, Nob. 2023, 46–48.
Gitawag ko nga mahimong usa ka bishop atol sa usa ka lisod nga panahon sa akong kinabuhi. Usa ako ka batan-ong amahan nga adunay pamilya, ug naglisod kami sa kwarta. Gikapoy na kaayo ko. Lisod usab kadto alang sa akong asawa.
Usa ka Dominggo ang akong minahal nga asawa nag-ambit sa sakramento. Ang Espiritu mitabang kaniya nga makaamgo sa usa ka butang. Daghan sa mga problema nga among giatubang ang nasulbad sa usa ka higayon atol sa akong calling.
Ang Ginoo nasayod sa atong mga panginahanglan. Kon Siya mohangyo kanato nga moserbisyo, nasayod Siya kon unsay labing makatabang kanato. Gusto Niyang mopanalangin kanato. Ug Siya mohatag kanato niini nga mga panalangin samtang kita matinud-anon nga moserbisyo Kaniya.
Gusto ba kamo nga magmalipayon? Pagpabilin diha sa dalan sa pakigsaad. Ang atong Manluluwas nagdapit kanato sa pagduol ngadto Kaniya. Gidala Niya ang atong mga palas-anon. Si Jesukristo naghimo sa atong kinabuhi nga mas sayon ug mas malipayon. Ug Siya mopuno kanato sa hingpit nga kalipay.
Oras sa Pag-interbiyo!
Pangutan-a ang usa ka sakop sa pamilya mahitungod kon sa unsang paagi ang Langitnong Amahan mipanalangin kanila. Aniay pipila ka pangutana aron makasugod kamo:
-
Mahimo ba nimo akong sultihan mahitungod sa usa ka panahon sa dihang ang Langitnong Amahan mipanalangin sa atong pamilya?
-
Sa unsang paagi ka gusto nga motabang sa uban? Unsa nga mga panalangin ang imong nakit-an samtang miserbisyo ka sa uban?
-
Nganong nagsunod ka ni Jesukristo? Sa unsang paagi ang pagsunod Kaniya mitabang kanimo nga magmalipayon?`
Mga paghulagway pinaagi ni Turine Tran