Ia Iloa Papatusi Auro!

~421 TA

Na faamaufaailogaina e le perofeta o le Tusi a Mamona o Moronae papatusi auro. Na aoao mai papatusi e uiga ia Iesu Keriso. Sa latou faamatala foi le talafaasolopito o tagata o Moronae.

1823

I le avea ai ma se agelu, sa asiasi atu ai Moronae ia Iosefa Samita. Sa ta’u atu e Moronae ia te ia o papatusi auro sa tanumia i le Mauga lata ane o Kumora.

1827

Ina ua uma ona saunia Iosefa mo le fa tausaga, sa faatuatuaina o ia e le Alii e ave papatusi i le fale.

1828

Sa faaliliuina e Iosefa papatusi e ala i le faalogologo lelei i le Agaga Paia. Sa ia faaaogāina foi meafaigaluega faapitoa mai le Atua. Sa ia faaaogaina se maa e ta’ua o se maa tagatavaai ma meafaigaluega e ta’ua o faamatalaupu po o le Urima ma le Tumema lea sa tanumia faatasi ma papatusi.

1829

Sa fesoasoani le Tama Faalelagi ia Iosefa ia malamalama i mea na fai mai ai papatusi. Sa fesoasoani Oliva Kaotui e tusi i lalo mea na faaliliuina e Iosefa.

E le itiiti ifo ma le toasefululua tagata na vaai i papatusi auro. O se tasi o i latou o Maria Uitimera. E mafai ona e faitau i le molimau a isi molimau i le pito i luma o le Tusi a Mamona. E leai se tasi o nei tagata na faafitia mea na latou vaaia ma oo i ai.

1830

O le kopi muamua na faaliliuina o le Tusi a Mamona i le gagana Peretania sa lolomiina i Palamaira, Niu Ioka, ISA.

Aso Nei

Ua faitauina nei le Tusi a Mamona i le lalolagi atoa! Ua faaliliuina i gagana e 115. E faasoa atu e faifeautalai le Tusi a Mamona i tagata uma latou te mafaia.