“Sailiga mo Manuki,” Uo, Mati 2025, 4–5.

Sailiga mo Manuki

Saunia e Chelsea Mortensen

“E pei lava o le auala e mafai ona ou lagona ai le Agaga Paia pe a ou faalogo.”

O se tala moni mai le Costa Rica.

O le tamaitiiti ma le matatioata o lo o faaūū, a o ataata le teineitiiti ma le tamaititi i ona tua atu ma faasino atu i se mea na sipa mai le faavaa

“Auoi!” Sa fai atu ai Ethan. “Na e vaai i ai?

“Ioe, vaai i lona siusiu laitiiti aulelei!” o le tala lea a Lili.

Sa tilotilo a’e Boston i luga, ae na o ataata lafoia lava na ia vaaia.

“Ua uma ona matou vaai i manuki e tolu i le asō!” Sa fai atu ai Ethan

Ae e le’i vaai Boston i se mea! Sa asiasi atu lona aiga i se togavao e vaai i manuki aivao. Ae sa mamao tele manuki e le mafai ona vaai i ai Boston.

O Boston e tauaso o ia. E na o mea lava e matuā latalata atu ia te ia e mafai ona ia vaai i ai. E masani lava, sa le afaina ia te ia le tulaga o le po o lana vaai. E mafai lava ona ia faia le tele o mea mananaia. Sa mafai ona ia faitauina le gagana Braille i ona tamatamailima ma savali i lona tootoo i le pogisa. Ma e mafai ona ia maua tagata e ala i le faalogo i o latou leo.

Ae o nisi taimi, sa le fiafia ai Boston i lona tulaga o se tauaso. E pei o nei.

Sa nofo Boston i luga o le eleele ma mapuea. E le fea! sa ia mafaufau ai.

I ni nai minute mulimuli ane, sa ia maua ai se manatu. Tama Faalelagi e, faamolemole fesoasoani i se manuki e latalata mai ia te a’u ia ou vaai i ai, sa tatalo Boston ai i lona mafaufau.

E le’i mafai ona vaai Boston i ni manuki. Ona ia faalogoina lea o se pisapisao mai se mea mamao.

O se tamaitiiti o loo fai sana mata pogisa o loo ataata a o ia faaofuofu lona taliga

“O tou lagona atu lena mea?” na fesili ai Boston. “Pei a ou te iloa o se manuki!”

“Ou te le’i lagona se mea,” o le tala lea a Ethan.

“E leai foi a’u,” o le tala lea a Tamā. “E lelei ou taliga!”

Na faalogoina e Boston se manuki o tamoe i le togavao i tafatafa o le auala. Sa ia faasino atu i le vaega o sau ai le leo. “I le itu lale!”

Ona ia faalogoina lea o le isi, ma le isi. O nisi taimi e mafai ai e lona aiga ona vaai i manuki i le taimi lava na ia faasino atu ai i latou. Ae e leai se manuki na latalata atu i ai e vaai i ai.

O se tamaitiiti ma sana mata pogisa o loo talanoa ma se lio o tala o loo faaalia ai galugalu o leo

E le’i umi ae oo i le taimi e o ai i le fale.

“Ou te faamalie atu ona e te lei vaai i ni manuki,” o le tala lea a Tinā a o la savavali atu i le taavale.

Sa faamimigi tauau o Boston. “E le afaina. Sa ou manao e vaai i se manuki e tasi, ae nai lo lena, na ou lagona atu le tele o i latou.” Ona mafaufau lea o ia i lana tatalo. “E faamanatu mai ai ia te a’u le Agaga Paia.”

“O le a le uiga o lau tala?” O le fesili lea a Tinā.

“Ina ua ou tu e faalogologo, sa ou iloaina sa siomia uma a’u. Sa mafai ona ou faalogoina e ui lava sa le mafai ona ou vaai atu ia i latou. E pei lava o le auala e mafai ona ou lagona ai i le Agaga Paia pe a ou faalogo.”

“O se lesona manaia tele lena,” o le tala lea a Tinā.

Na faalogoina e Boston se mea i le togavao i ona autafa. Ona tamoe atu lea o se mea i le ala—i ona luma tonu lava! Sa mumu lona lauulu ma se siusiu umi. Sa tu ma tilotilo sa’o atu ia te ia. Ona toe tamoe atu lea i laau.

O se manuki! Sa iu lava ina ia vaai i se tasi!

Sa ataata Boston. O le tauaso sa o se mea faigata i nisi taimi. Ae o le asō, na fesoasoani ia te ia e aoao ai e uiga i le Agaga Paia. Ma sa o se mea lelei tele lena.