Filemu mai le Malumalu

Saunia e Peresitene Henry B. Eyring

Fesoasoani Lua i le Au Peresitene Sili

Henry B. Eyring “O Le a Lelei Mea Uma Ona o Feagaiga o le Malumalu,” Liahona, Me 2024, 24–27.

I tausaga ua mavae, sa ma tietie atu ai ma lo’u toalua e asiasi i le Malumalu o Idaho Falls Idaho. Sa nonofo le ma fanau tama laiti e toafa i le fale ma se teine tausitama.

A o ma sauni e o i le fale, sa ta’u mai e se tasi o tagata faigaluega o le malumalu ua solofa le Faatanoa o Teton i Idaho i sasae! O le tele o lo matou aai ua i lalo o le vai.

Sa ma tootutuli ma lo’u toalua ma tatalo i le Tama Faalelagi mo le saogalemu o le ma fanau ma le faitau afe o tagata na aafia i le lolo. Na manino mai nei upu i lo’u loto ma lo’u mafaufau: “Po o le a lava le taunuuga, o le a lelei mea uma ona o le malumalu.” Sa ma faafetai mulimuli ane ina ua ma iloa ua saogalemu le ma fanau tama.

E leai se isi mea e sili atu le taua nai lo le faamamaluina o feagaiga o le a e osia i se aso i totonu o le malumalu. E tusa lava po o le a le taunuuga, o le a lelei mea uma ona o feagaiga o le malumalu.

Paso o le Malumalu

E mafai e le malumalu ona aumaia ia i tatou le filemu i taimi faigata. Mulimuli i le paso e oo atu i le tumutumu o le Malumalu o Idaho Falls!