“Fesoasoani mai le Lagi,” Uo, Mati 2025, 20–21.

Fesoasoani mai le Lagi

Saunia e Elder Yoon Hwan Choi

O Le Fitugafulu

Siitia mai le “E Te Manao ia E Fiafia?” Liahona, Nov. 2023, 46–48.

Sa valaauina a’u e avea ma se epikopo i se taimi faigata o lo’u olaga. O a’u o se tamā talavou ma se aiga, ma sa matou tauivi ma tupe. Sa ou lelavā. Sa faigata foi mo lo’u toalua.

I se tasi Aso Sa sa tagofia ai e si o’u toalua pele le faamanatuga. Sa fesoasoani le Agaga ia te ia ia iloa se mea. O le tele o faafitauli sa matou feagai sa foia i se taimi a’o i ai i lo’u valaauga.

Ua silafia e le Alii o tatou manaoga. Pe a Ia talosagaina i tatou e auauna atu, Na te silafia le mea o le a sili ona fesoasoani ia i tatou. E finagalo o Ia e faamanuia i tatou. Ma o le a Ia tuuina mai ia i tatou nei faamanuiaga a o tatou auauna atu ma le faamaoni ia te Ia.

E te manao ia e fiafia? Tumau i le ala o feagaiga. Ua valaaulia i tatou e lo tatou Faaola e o mai ia te Ia. Na te amoina a tatou avega. O Iesu Keriso e faigofie ma fiafia atili ai o tatou olaga. Ma e faatumulia e Ia i tatou i le olioli.

Taimi o le Faatalanoaga!

Fesili i se tagata o le aiga e uiga i le auala na faamanuiaina ai i latou e le Tama Faalelagi. O nisi nei o fesili e te amata ai:

E mafai ona e faamatala mai ia te a’u se taimi na faamanuia ai e le Tama Faalelagi lo tatou aiga?
E faapefea ona e fesoasoani atu i isi? O a faamanuiaga ua e vaaia a o e auauna atu i isi?
Aisea e te mulimuli ai ia Iesu Keriso? Na faapefea ona fesoasoani le mulimuli ia te Ia e te maua ai le fiafia?