Mga Sugyot alang sa Inyong Unang Pag-adto sa Templo

Ipakita ang inyong rekomend diha sa front desk. Dayon makaadto na kamo sa dapit nga bunyaganan. Usa ka worker sa templo ang mohatag ninyo og puti nga pang-ilawom nga isul-ob, medyas, ug pangbunyag nga jumpsuit.

Sa lawak nga ilisanan og sinina, pag-ilis sa gihatag kaninyo nga sinina. Ibutang ang inyong mga gamit sa usa ka locker nga walay sulod. Dayon i-lock ang inyong locker ug itaod ang yawe diha sa inyong jumpsuit. Kon taas ang inyong buhok, pugngi kini og balik. Dad-a ang inyong giimprinta nga mga ngalan sa pamilya.

Samtang kamo maghulat sa inyong turno nga mabunyagan, mahimo kamo nga mobasa sa mga kasulatan, mag-ampo, o mamalandong. Mahimo usab kamong maghunahuna sa mga tawo kinsa inyong mapabunyagan pinaagi ninyo.

Kon imo na nga turno, ihatag ang inyong mga ngalan sa pamilya ngadto sa tawo nga naa sa desk. Kon ikaw walay mga ngalan, sila mogamit hinuon og mga ngalan sa templo. Mainampingon nga motunob sa bunyaganan, diin ang usa ka naghupot sa pagkapari mobunyag nimo alang sa matag tawo. Hinumdomi ang pagpiko sa inyong mga tuhod ug pislita ang inyong ilong samtang kamo ipaubos niya ngadto sa tubig.

Kon kamo mahuman na, adunay mohatag ninyo og toalya. Balik sa lawak nga ilisanan, mahimo kamong maligo sa pribado, mag-ilis og balik sa inyong uga nga sinina, ug tarongon ang inyong buhok. Seguroha nga mabutang ang inyong basa nga mga sinina sa sudlanan ug ibitay ang inyong yawe sa locker diha sa lock.

Sa kataposan, usa ka tawo ang mogiya ninyo ngadto sa usa ka lawak diin ikompirma kamo alang niadtong nabunyagan.

Ang uban nga templo mahimong lahi og gamay ang buhaton. Apan bisan unsa pa man, adunay mga tawo nga motabang ninyo sa matag lakang. Hinumdomi, ang templo mao ang balay sa Ginoo, ug Siya malipayon nga kamo anaa didto!